ამერიკის სასამართლომ პოლანსკის საქმის დახურვაზე უარი განაცხადა

ამერიკის შეერთებული შტატების სასამრთლომ უარი განაცხადა რეჟისორ რომან პოლანსკის საქმის დახურვაზე.  ინფორმაციას BBC ავრცელებს. 83 წლის რეჟისორს ბრალი 13 წლის გოგონასთან საქსუალურ კავშირში ედება.

რეჟისორის ადვოკატებმა 40 წლის წინანდელი საქმის  გადახედვის მოთხოვნით სასამართლოს მიმართეს. მათი განმარტებით, პოლანსკის სურვილი აქვს აშშ-ში დაბრუნდეს , თუმცა დარწმუნებული უნდა იყოს, რომ, ამერიკის ციხეში არ აღმოჩნდება.

პროკურორმა თავის მხრივ განაცხადა, რომ იმის მიუხედავად რომ პოლანსკი ცნობილი რეჟისორია, სასამართლოში  მის მიმართ განსაკუთრებული დამოკიდებულება არ იქნება

რომან პოლანსკის მიმართ საქმე 1977 წელს აღიძრა, რეჟისორს 13 წლის გოგონასთან სექსუალურ კავშირში ადანაშაულებდნენ.  

ამერიკის კანონების თანახმად, რეჟისორს 50-წლიანი პატიმრობა ელოდა.

1978 წელს პოლასნკიმ სასამრთლოში დანაშაული აღიარა, რის შემდეგაც ამერიკა ფარულად დატოვა, ამჟამად ის პარიზში ცხოვრობს, მას საცხოვრებელი სახლი აქვს პოლონეთის სამხრეთით ქალაქ კრაკოვშიც.