პოლონეთი სმოლენსკის ავიაკატასტროფის პროვოცირებაში რუს დისპეტჩერებს ადანაშაულებს

პოლონეთის პროკურატურა რუს დისპეტჩერებს სმოლენსკთან მომხდარი ავიაკატასტროფის პროვოცირებაში ადანაშაულებს. ამის შესახებ Polska Agencja Prasowa გენერალური პროკურორის მარეკ პოშენეკის მოადგილეზე დაყრდნობით იუწყება.

მისი თქმით, ვარშავა უახლოეს მომავალში მოსკოვს რუსი დისპეტჩერების დაკითხვის უფლების მიღების მოთხოვნით მიმართავს.

პოლონეთის სამხედრო-საჰაერო ძალების თვითმფრინავი ტუ -154 სმოლენსკთან 2010 წლის 10 აპრილს ჩამოვარდა. კატასტროფის შედეგად ბორტზე მყოფი 96-ვე მგზავრი დაიღუპა. მათ შორის პრეზიდენტი ლეხ კაჩინსკი მეუღლესთან ერთად.

ავიაციის სახელმწიფოთაშორისო კომიტეტმა მომხდარის მიზეზად პილოტების შეცდომა დაასახელა. პოლონურმა მხარემ საკუთარი გამოძიება ჩაატარა და ნაწილობრივ რუსი დისპეტჩერები დაადანაშაულა.