„მიმაბეს რკინის მაგიდაზე, შემოვიდა მამუკა ვასაძე და...“ - გია სოსანაშვილის დასკვნითი ჩვენება

იური ვაზაგაშვილის მკვლელობაში ბრალდებულმა გია სოსანაშვილმა საქალაქო სასამართლოს დასკვნითი ჩვენება მისცა.

„მიმაბეს რკინის მაგიდაზე, შემოვიდა მამუკა ვასაძე და მითხრა, რომ აფეთქების შედეგად დარჩნილ ხელყუმბარის სახელურზე დარჩენილი იყო დნმ-ის კვალი, რომელიც მე მეკუთვნოდა. ვუთხარი, რომ დანაშაული მე არ ჩამიდენია და რატომ მაბრალებთ-თქო.

მითხრა, იმიტომ, რომ 20 თებერვალს დაგირეკა ირაკლი ფირცხალავამო. შემდეგ შემოვიდა შოთაძე და მითხრა, თქვი რომ ეს ყველაფერი ფირცხალავამ დაგავალა, შენ მოგისჯით რაღაც წლებს და სამაგიეროდ, შენი ოჯახი იქნება უზრუნველყოფილი და უსაფრთხოდო“ – განაცხადა სასამართლოში სოსანაშვილმა.