11 სექტემბრის ტერაქტების მსხვერპლთა ნათესავებმა საუდის არაბეთს სასამართლოში უჩივლეს

საქართველო, თბილისი - 11:03 | 21.03.2017

ნანახია: 1176

აშშ-ის ფედერალურ სასამართლოში 2001 წლის 11 სექტემბრის ტერაქტების მსხვერპლთა და დაშავებულთა ნათესავებმა საუდის არაბეთის წინააღმდეგ სარჩელი შეიტანეს.

”ეს სარჩელი მოწმობს, რომ ოჯახები არ ნებდებიან და მზად არიან დაამტკიცონ იმ მოვლენებთან საუდის არაბეთის კავშირი”, - განუცხადა USA Today-ს ადვოკატმა ჯიმ კრეინდლერმა.

სარჩელი შეიცავს ზიანის კომპენსაციის მოთხოვნას, თუმცა საჯაროდ იურისტები და მოსარჩელეები თანხას არ ასახელებენ.

სარჩელში დასახელებულია საუდის არაბეთის რამდენიმე საქველმოქმედო ორგანიზაცია, რომლებსაც მოსარჩელეები ”ალ-ქაიდას” მებრძოლების საწვთნელი ბანაკების შექმნასა და დაფინანსებაში ადანაშაულებენ.

მოსარჩეელების მტკიცებით, ეს ორგანიზაციები თანამშრომლობდნენ ”ალ-ქაიდას” ლიდერთან ოსამა ბინ ლადენთან და ეხმარებოდნენ პაკისტანსა და ავღანეთში ახალი დაჯგუფებების შექმნაში.

ამის გარდა სარჩელში ნახსნები არიან საუდის არაბეთის მაღალჩინოსნები, რომლებიც მოსარჩელეების თქმით, ტერაქტამდე ნახევარი წლით ადრე თანამშრომლობდნენ თვითმფრინავების გამტაცებლებთან, რომლებიც 2001 წლის 11 სექტემბერს ცათამბჯენებს დაეჯახნენ.