საქართველოს უნდა მიეღო უვიზო რეჟიმი ბევრად უფრო ადრე - უნგრეთის საგარეო საქმეთა მინისტრი

საქართველოს უნდა მიეღო უვიზო რეჟიმი ბევრად უფრო ადრე, - განაცხადა უნგრეთის საგარეო საქმეთა მინისტრმა პიტერ სიიარტომ ქართველ კოლეგასთან ერთობლივ პრესკონფერენციაზე.

„ჩვენ ყოველთვის მხარს ვუჭერდით საქართველოს და დარწმუნებული ვიყავით, რომ საქართველოს უნდა მიეღო უვიზო რეჟიმი ბევრად უფრო ადრე. თქვენ ყველაფერი გააკეთეთ, ყველა მოთხოვნა შეასრულეთ, გაამართლეთ ყველა მოლოდინი და ყველა ძალისხმევა განახორციელეთ, რომ მოთხოვნები შეგესრულებინათ. ჩვენ არ ვართ კმაყოფილი, რომ ისევ არ არის უვიზო მიმოსვლა, მაგრამ მარტის ბოლოს ეს უკვე შესაძლებელი გახდება. ის, თუ როგორ მოეპყრო ევროპის კავშირი უვიზო მიმოსვლას თქვენთან დაკავშირებით, ნიშნავდა, რომ ევროკავშირი თითქოს გაწვალებდათ მოლოდინების შესრულების პროცესში და ეს დიდად მეტყველებდა თავად ევროკავშირის ქმედებაზე. თქვენ ყველაფერი შეასრულეთ და ვფიქრობ, უვიზო მიმოსვლა მაშინვე უნდა მოეცათ“, - განაცხადა სიაარტომ. 

მისივე თქმით, როცა უნგრეთის პრემიერ-მინისტრი საქართველოში ჩამოვა, სავარაუდოდ, აპრილის ბოლოს, საქართველოს უვიზო მიმოსვლა უკვე ექნება და ეს მისასალმებელია.