პრეზიდენტი ე.წ. მოსმენების კანონთან დაკავშირებით ოპოზიციური ფრაქციების დეპუტატებს შეხვდება

საქართველო, თბილისი - 10:50 | 14.03.2017

ნანახია: 1258

პრეზიდენტი "ევროპული საქართველოს" და "ნაციონალური მოძრაობის" დეპუტატებს შეხვდება. გიორგი მარგველაშვილმა ფარული მოსმენების კანონზე კონსულტაციები ყველა საპარლამენტო ფრაქციას შესთავაზა.

"სამწუხაროდ, უმრავლესობის პასუხი ჯერ არ მიგვიღია", - ამბობს პრეზიდენტის საპარლამენტო მდივანი ანა დოლიძე.

პარლამენტმა კანონი ხელმოსაწერად პრეზიდენტს 6 მარტს გადაუგზავნა. გიორგი მარგველაშვილმა 21 მარტამდე უნდა გადაწყვიტოს - კანონს ხელი მოაწეროს თუ ვეტო დაადოს.