წყვილი ქორწინების გარეშე სექსის გამო დააკავეს

სამხრეთ აფრიკის რესპუბლიკის მოქალაქე და მისი უკრაინელი საცოლე არაბეთის გაერთიანებულ საემიროებში არაკანონიერი  სექსუალური ურთიერთობისთვის დააკავეს.

29 წლის ემლინ კალვერვერი და 27 წლის ირინა ნოგაი მას შემდეგ დააკავეს, რაც გოგონამ ექიმს მუცლის ტკივილის გამო მიმართა. ექიმმა დაადგინა, რომ ის ორსულად იყო.

წყვილი დააპატიმრეს ქორწინების გარეშე სექსის გამო, რაც გაერთიანებულ საემიროებში უკანონოდ მიიჩნევა.

ახალგაზრდა მამაკაცის დედა ლინდა კალვერველი მათ გათავისუფლებას ითხოვს. მისი თქმით, ერთადერთი რამ რაც მათ არასწორად გააკეთეს, ერთმანეთის შეყვარებაა.

სამხრეთ აფრიკის რესპუბლიკის საგარეო საქმეთა სამინისტროს განცხადებით, წყვილის დახმარება არ შეუძლიათ, რადგან მათ გაერთიანებული საემიროების კანონი დაარღვიეს. წყვილი ჯერ კიდევ იანვარში დააკავეს, მაგრამ ამის შესახებ ინფორმაცია მხოლოდ ცოტა ხნის წინ გავრცელდა.

ემლინ კალვერველი არაბეთის გაერთიანებულ საემიროებში ბოლო ხუთი წელი მუშაობდა. დაკავებულებისთვის ბრალი ამ დრომდე არ წაუყენებიათ.

თუ სასამართლო მათ დამნაშავეებად აღიარებს, ახალგაზრდებს ციხეში დიდი ხნის გატარება მოუწევთ.