„ჩემი სურვილია, რომ თქვენი სარედაქციო პოლიტიკაში ჩაურევლობა იყოს უზრუნველყოფილი" - მამუკა მდინარაძე

„ჩემი სურვილია, რომ თქვენი დამოუკიდებლობა, თქვენი სარედაქციო პოლიტიკაში ჩაურევლობა იყოს უზრუნველყოფილი,“ - საქართველოს პრეზიდენტის განცხადებას აფასებს პარლამენტის ფრაქცია „ქართული ოცნების" თავმჯდომარე, მამუკა მდინარაძე.

“ვერ ვისაუბრებ „რუსთავი 2"-ის დავაში რომელიმე მხარის მაგივრად, თუმცა ერთ რამეში შემიძლია, დავეთანხმო პრეზიდენტს, რომ ძალადობრივი მეთოდებით, ეს აღსრულება იქნება თუ სამართლებრივი სხვა მოქმედება, ნამდვილად არ უნდა მოხდეს, რადგან ეს ნამდვილად ცუდ ასოციაციებს იწვევს. გარდა ამისა, ქვეყნის დემოკრატიულ განვითარებას ეს ხელს არ შეუწყობს. ჩემი სურვილია, რომ თქვენი დამოუკიდებლობა, თქვენი სარედაქციო პოლიტიკაში ჩაურევლობა იყოს უზრუნველყოფილი,“ - განაცხადა მდინარაძემ.