ტრამპი: პრესაში თეთრი სახლის დისკრედიტაციის შემცველი ინფორმაციების გაჟონვის უკან ობამას გუნდი დგას

პრესაში თეთრი სახლის დისკრედიტაციის შემცველი ინფორმაციების გაჟონვის უკან აშშ-ის ყოფილი პრეზიდენტი ბარაკ ობამა და მისი გუნდი დგას. ამის შესახებ პრეზიდენტმა დონალდ ტრამპმა Fox News-თან ინტერვიუში განაცხადა.

”ვფიქრობ, რომ ობამა ამის უკან დგას, შესაძლოა ამით მისი ხალხი იყოს დაკავებული. სავარაუდოდ, ზოგიერთი ინფორმაცია მათ ქმედებებების შედეგია. ეს ძალიან ცუდია ეროვნული უსფრთხოების თვალსაზრისით”, - აღნიშნა ტრამპმა.

მისივე თქმით, ობამას გუნდი შესაძლოა რესპუბლიკელების წინააღმდგ გამართული აქციების ორგანიზატორიც იყოს.

ტრამპი ხშირად გამოთქვამს შეშფოთებას მედიაში თეთრი სახლის შიდა სამზარეულოს შესახებ ინფორმაციის გაჟონვის გამო. CNN-ი წყაროზე დაყრდნობით იტყობინებოდა, რომ ტრამპი კომპეტენტურ ორგანოებს პრეზიდენტის აპარატის თანამშრომლების ტელეფონების შემოწმებას დათანხმდა, თუმცა თეთრი სახლის პრეს-მდივანმა ეს ინფორმაცია უარყო.