პარლამენტში 1921 წელს დაღუპულ იუნკერთა ხსოვნისადმი მიძღვნილი ღონისძიება გაიმართა

საქართველოს პარლამენტში, 1921 წლის 23 თებერვალს, რუსეთის არმიის წინააღმდეგ კოჯორ-ტაბახმელასთან ბრძოლაში დაღუპულ იუნკერთა ხსოვნის დღე აღინიშნა.

პარლამენტის სასახლის ხარების სახელობის სამლოცველოში იუნკერთა სულის მოსახსენიებელი პანაშვიდი აღევლინა. პანაშვიდის შემდეგ, თავდაცვისა და უშიშროების კომიტეტის თავმჯდომარემ, ირაკლი სესიაშვილმა, დეპუტატებთან და პარლამენტის თავმჯდომარის კაბინეტის უფროსთან, ნიკოლოზ სამხარაძესთან ერთად, იუნკერთა ხსოვნისადმი მიძღვნილი მემორიალური დაფაგვირგვინით შეამკო. მემორიალი გვირგვინებით შეამკეს, ასევე, ვიცე-პრემიერმა, განათლებისა და მეცნიერების მინისტრმა, ალექსანდრე ჯეჯელავა თავდაცვის მინისტრმა, ლევან იზორიამ, სპორტისა და ახალგაზრდობის საქმეთა მინისტრმა, ტარიელ ხეჩიკაშვილიმა, თბილისის მერმა, დავით ნარმანიამ და თბილისის საკრებულოს თავმჯდომარემ, გიორგი ალიბეგაშვილმა.

იუნკერთა ხსოვნისადმი მიძღვნილი ღონისძიებაზე შეკრებილ საზოგადოებას სიტყვით მიმართა თავდაცვისა და უშიშროების კომიტეტის თავმჯდომარემ, ირაკლი სესიაშვილმა.

თავდაცვისა და უშიშროების კომიტეტის თავმჯდომარის თავის გამოსვლაში დღევანდელი დღის მნიშვნელობას გაისვა ხახი  და ახალგაზრად იუნკერების გმირობის შესახებ ისაუბრა. „მართლაც, ტრაგედია იყო მთელი ჩვენი ქვეყნისთვის, თითქმის საუკუნის წინ, ჩვენს ქვეყანაზე თავდასხმა და ამ დღეს ჩვენი ქვეყნის, მე ვიტყოდი, რჩეული თაობის გამორჩეული გოგოები და ბიჭები დაიღუპნენ. ჩვენ ახლა ვდგავართ იქ,  სადაც დასაფლავებული იყვნენ იუნკერები",-აღნიშნა ირაკლი სესიაშვილმა.

თავდაცვისა და უშიშროების კომიტეტის თავმჯდომარის განცხადებით, 186 იუნკერს ბოლომდე ჰქონდა გაცნობიერებული,  რომ  ყველანი დაიხოცებოდნენ, მაგრამ ამ განცდის მიუხედავად, უკან არდაუხევიათ: „ჩვენ მათ, ალბათ,  გენეტიკური მეხსიერება გადმოგვცეს, რომ მხოლოდ თავგანწირვით შევძლებთ ჩვენი ქვეყნის დაცვას", - აღნიშნა ირაკლი სესიაშვილმა.

მისივე განცხადებით,  დიდია მოთხოვნა ქუთაისში არსებულ გენერალ კვინიკაძის სახელობის კადეტთა სკოლაზე. თავდაცვისა და უშიშროების კომიტეტის თავმჯდომარემ განაცხადა, რომ ძალისხმევას არ დაიშურებს, რათა აღმოსავლეთ საქართველოშიც გაიხსნას მსგავსი  სკოლა: „მე მართლაც ვამაყობ ქუთაისში გენერალ კვინიკაძის სახელობის კადეტთა სკოლით.  გულწრფელად ვამაყობ ამახალგაზრდებით. მართლაც გამორჩეული თაობა მოდის, თავისი შემართებით,  სიყვარულით და აი, ამ წარსული გმირობის დიდი მაგალითებით. ძალიან დიდი მოთხოვნაა ამ სკოლაზე და ასევე, დიდია მოთხოვნა მსგავს სკოლაზე აღმოსავლეთ საქართველოშიც.  ადრეც მისაუბრია ამ თემაზე, მაგრამ  ამ გამორჩეულ დღეს,  ჩვენი გმირების სახელით, მინდა გთხოვოთ, რომ ანალოგიური სკოლა გავხსნათ აღმოსავლეთ საქართველოში. როგორც თელავის დეპუტატი, მაქსიმალურად გავწევ ჩემს ლობირებას, რომ თელავში დავაფუძნოთ ასეთი სკოლა. ვფიქრობ, ეს იქნება ჩვენი მომავალითაობის სწორად აღზრდა, ისე, როგორც ეს ჩვენ, თითქმის საუკუნის წინ გვაჩვენეს ჩვენმა იუნკრებმა", - აღნიშნა ირაკლი სესიაშვილმა.