ნავალნის 5-წლიანი პირობითი პატიმრობა მიუსაჯეს

საქართველო, თბილისი - 09:49 | 09.02.2017

ნანახია: 1452

კიროვის სასამართლომ ალექსეი ნავალნი "კიროვლესის" საქმესთან დაკავშირებით დამნაშავედ ცნო. ოპოზიციის ლიდერს და ბიზნესმენ პიოტრ ოფიცეროვს ბრალი სახელმწიფო საწარმოს კუთვნილი თანხების მითვისებაში დასდეს. ნავალნის 5 წლიანი პირობითი პატიმრობა მიესაჯა, ოფიცეროვს კი 4 წლიანი განაჩენი გამოუტანეს. გარდა ამისა, მათ 500 ათას რუბლიანი ჯარიმის გადახდა დაეკისრათ. მსჯავრდებულები ბრალდებას კატეგორიულად უარყოფენ.

ნავალნის თქმით, კონსტიტუციის შესაბამისად, ის 2018 წლის საპრეზიდენტო არჩევნებში მონაწილეობას ვერ მიიღებს.