ფრაქცია "ნაციონალური მოძრაობის" თავმჯდომარის თანამდებობაზე ირაკლი აბესაძისა და ოთარ კახიძის კანდიდატურები განიხილება

ფრაქცია "ნაციონალური მოძრაობის" თავმჯდომარის თანამდებობაზე ნიკა მელიას შემცვლელებად, ოთარ კახიძისა და ირაკლი აბესაძის კანდიდატურები განიხილება. ასევე, კულუარული ინფორმაციით, ნიკა მელია დამოუკიდებელ საპარლამენტო ფრაქციას შექმნის, რომელშიც სავარაუდოდ, 8 დეპუტატი გაერთიანდება.

საპარლამენტო ფრაქცია „ერთიანი ნაციონალური მოძრაობა“, რომლის თავმჯდომარე ამჟამად ნიკა მელიაა, ნაციონალური მოძრაობის 21 დეპუტატს აერთიანებს. ენმ-ის სიით გასულ კიდევ ექვს დეპუტატს უმცირესობაში შემავალი მეორე ფრაქცია, "ნაციონალური მოძრაობა - საქართველოს წინსვლისთვის" აქვს.

რაც შეეხება მელიას შემცვლელ სავარაუდო კანდიდატურებს, ირაკლი აბესაძე ამჟამად აღნიშნული ფრაქციის წევრია, ოთარ კახიძე კი ფრაქციის - „ნაციონალური მოძრაობა - საქართველოს წინსვლისთვის“ წევრი. შესაბამისად მისი კანდიდატურის განხილვის შემთხვევაში, მას ფრაქციის შეცვლა მოუწევს.