რუსეთის ტრანსპორტის მინისტრი: ავიაკატასტროფისას რამდენიმე დაღუპულის ცხედარი შესაძლოა, სხვა სახელმწიფოების ტერიტორიულ წყლებში იყოს მოხვედრილი

რუსეთის თავდაცვის სამინისტროს კუთვნილი ავიალაინერის ტუ-154-ის კატასტროფის დროს რამდენიმე დაღუპულის ცხედარი შესაძლოა, სხვა სახელმწიფოების ტერიტორიულ წყლებში იყოს მოხვედრილი. ამის შესახებ რუსეთის ტრანსპორტის სამინისტროს ხელმძღვანელმა განაცხადა,

რუსდული მედიის მიერ გავრცელებული ინფორმაციით, სამაშველო სამუშაოებში ოკუპირებული აფხაზეთის წარმომადგენლებიც ჩაერთნენ.

რუსეთის თავდაცვის სამინისტროს თვითმფრინავმა ტუ-154-მა კატასტროფა გუშინ განიცადა.

სოჭში საწვავის შევსების შემდეგ, აფრენიდან 20 წუთში, თვითმფრინავი რადარებიდან გაქრა. თვითმფრინავს ადლერიდან სირიაში რუსი ჟურნალისტები და მუსიკოსები გადაჰყავდა და ის აფხაზეთის მონაკვეთთან ახლოს, შავ ზღვაში ჩავარდა. თვითმფრინავში სულ 93 ადამიანი იმყოფებოდა. რამდენიმე მათგანის ცხედარი უკვე ნაპოვნია. 

ავიაკატასტროფის გამომწვევი მიზეზი ჯერჯერობით უცნობია, თუმცა პირველად ვერსიად ტექნიკური გაუმართაობა სახელდება.

ქვეყანაში დღეს გლოვაა გამოცხადებული.