მაკა ჩიჩუას მხარდაჭერით ღონისძიება „მეგობრობა შეუზღუდავია" გაიმართა

საქართველოს პირველი ლედი მაკა ჩიჩუა დღეს,  პირველ კლასიკურ გიმნაზიაში გამართულ ღონისძიებაში „მეგობრობა შეუზღუდავია" მიიღო მონაწილეობა, რომელიც კამპანიის „არცერთი ბავშვი ყურადღების გარეშე" გაიმართა.

ღონისძიების მიზანი შეზღუდული შესაძლებლობის მქონე ბავშვების მიმართ მოსწავლეების, მასწავლებლებისა და მშობლების ცნობიერების ამაღლება და მათი დამოკიდებულების შეცვლაა.

მაკა ჩიჩუამ პროექტისთვის სპეციალურად შექმნილი ზღაპარი „მეგობრობის კუნძული" უამბო შეკრებილ მოსწავლეებს და აღნიშნა:

 „ბავშვები თავად ეუბნებიან უფროსებს მნიშვნელოვან სათქმელს. ჩვენ მათ ვემეგობრებით და უბრალოდ ვეუბნებით, რომ მეგობრობა შეუზღუდავია",- განაცხადა ქვეყნის პირველმა ქალბატონმა.

ღონისძიების დასრულების შემდეგ პირველმა ლედიმ, ღონისძიების მონაწილე ბავშვებმა და მათმა პედაგოგებმა სკოლის ეზოში სიმბოლურად მეგობრობის ხე დარგეს.

პროექტი საერთაშორისო ორგანიზაციის  „Save the Children"- ის ორგანიზებით ხორციელდება.