რომელ უბენში გაითიშება დღეს დენი

 სხვადასხვა სამუშაოების ჩატარების გამო, დედაქალაქის ელექტრომომარაგება დროებით დღესაც შეიზღუდება. ამის შესახებ „თელასის“ მიერ გავრცელებულ განცხადებაშია აღნიშნული.

კომპანია, რაიონების მიხედვით, ავრცელებს იმ ქუჩების ჩამონათვალს, სადაც დენი გაითიშება: 

„საბურთალოს რაიონი - ახალი აბონენტების ქსელზე მიერთების მიზნით 10 საათიდან 16 საათამდე შეზღუდვა შეეხება: ნუცუბიძის პლატოს IV მიკრორაიონის და ინტენსიფიკაციის ქუჩის მცხოვრებლებს.

გადაუდებელი სარემონტო სამუშაოების ჩატარების გამო 10 საათიდან 14 საათამდე შეზღუდვა შეეხება: სოფელ ლისის (ნაწილობრივ) და მინდელის ქუჩის მცხოვრებლებს.

სამგორის რაიონი - ავარიის პრევენციის მიზნით 10 საათიდან 18 საათამდე შეზღუდვა შეეხება: გრიგოლ ლორთქიფანიძის (ორხევი) ქუჩის მცხოვრებლებს.

საინვესტიციო პროგრამით გათვალისწინებული ქსელის გაუმჯობესების მიზნით 10 საათიდან 12 საათამდე შეზღუდვა შეეხება: თვალჭრელიძის ქუჩის მცხოვრებლებს.

მთაწმინდის რაიონი - ახალი აბონენტების ქსელზე მიერთების მიზნით 10 საათიდან 15 საათამდე შეზღუდვა შეეხება: რუსთაველის გამზირის (ნაწილობრივ), სარაჯიშვილის, 8 მარტის, გერცენის, ბროსეს, თაბუკაშვილის, ლაღიძის და ქუთათელაძის ქუჩების მცხოვრებლებს.