ევროკავშირის სადამკვირვებლო მისიის მანდატი ორი წლით გახანგრძლივდა

ევროკავშირის საბჭომ საქართველოში ევროკავშირის სადამკვირვებლო მისიის მანდატი ორი წლით,  2018 წლის 14 დეკემბრამდე გაახანგრძლივა. 

ამის შესახებ ევროკავშირის საბჭოს მიერ გამოქვეყნებულ პრესრელიზშია აღნიშნული. 

ამასთან,  ევროკავშირის საბჭომ ასევე გამოიყო 18 მილიონი ევროს  2016 წლის 15 დეკემბრიდან 2017 წლის 14 დეკემბრამდე პერიოდისთვის. 

ევროკავშირის სადამკვირვებლო მისია ევროკავშირის შეუიარაღებელი სამოქალაქო სადამკვირვებლო მისიაა, რომელიც 2008 წლის სექტემბერში გამოიგზავნა. 

ეს მას შემდეგ მოხდა, რაც ევროკავშირის შუამავლობით 6-პუნქტიან შეთანხმებას  ხელი მოეწერა.

მისია 24-საათიან პატრულირებას ახორციელებს და განსაკუთრებულ ყურადღებას ე.წ. სამხრეთ ოსეთისა და აფხაზეთის ადმინისტრაციული საზღვრების მიმდებარე ტერიტორიებს უთმობს. 

ევროკავშირის სხვადასხვა წევრი ქვეყნიდან მისიაში 200-მდე დამკვირვებელი მუშაობს.