დიდთოვლობის გამო ხულოსა და შუახევის რაიონები ელექტროენერგიის გარეშეა დარჩენილი

დიდთოვლობის გამო, მაღალმთიან აჭარაში - ხულოსა და შუახევის რაიონების სოფლების ნაწილი ელექტროენერგიის გარეშეა დარჩენილი.  „ენერგო-პრო ჯორჯიას“ განცხადებით, უგზოობის გამო სოფლებში ელექტროსადენების დაზიანების ადგილების აღმოჩენა ჭირს. 

კომპანიაში აცხადებენ, რომ უმეტეს ნაწილს დენის მიწოდება აღუდგა, დარჩენილ ნაწილს კი უახლოეს დროში მიეწოდება. 

უამინდობის გამო გზებზე გადაადგილება ამ დრომდე შეზღუდულია.