არასისტემურ მიდგომას ჩვენი ჯანდაცვა ქაოტურ მდგომარეობამდე მიჰყავს - ზურაბ ჭიაბერაშვილი

საყოველთაო ჯანდაცვაში დაგეგმილ ცვლილებებს საპარლამენტო უმცირესობა ეხმაურება. ენმ-ის ერთ-ერთი ლიდერი ზურაბ ჭიაბერაშვილი დაანონსებული ცვლილებების უარყოფით მხარეებზე საუბრობს.

ოპოზიციონერი დეპუტატი ამბობს, რომ ხელისუფლების არასისტემური მიდგომა ჯანდაცვაში ქაოსს გამოიწვევს.

„აუცილებლად ამ ნაბიჯს მოჰყვება კერძო სადაზღვეო პაკეტების გაძვირება და უფრო ნაკლები ადამიანი შეძლებს ისარგებლოს კერძო დაზღვევით, მაგრამ მოქმედებს პრინციპი, რომ ისინი ვერ მოხვდებიან საყოველთაო დაზღვევაში და ამ ათეულ ათასობით ადამიანის რაოდენობა კიდევ უფრო გაიზრდება. საბოლოო ჯამში ასეთ ცალკეულ ნაბიჯებს და არასისტემურ მიდგომას მიყავს ჩვენი ჯანდაცვა ქაოტურ მდგომარეობამდე,“ - განაცხადა ზურაბ ჭიაბერაშვილმა.

შეგახსენებთ, რომ მთავრობა საყოველთაო ჯანდაცვაში ცვლილებებს გეგმავს. ჯანდაცვის კომიტეტის თავმჯდომარის განმარტებით, ხარჯების ოპტიმიზაცია შედარებით მაღალ შემოსავლიანი ადამიანების ხარჯზე მოხდება და ძირითადი აქცენტები მოწყვლად ჯგუფებზე გაკეთდება.