ლიაშკო: მიხეილ სააკაშვილმა უკრაინის მოქალაქეობა უკანონოდ მიიღო

უმაღლესი რადას დეპუტატი ფრაქცია ”რადიკალური პარტიის” ლიდერი ოლეგ ლიაშკო მიიჩნევს, რომ მიხეილ სააკაშვილმა უკრაინის მოქალაქეობა უკანონოდ მიიღო, ამიტომ მას ეს მოქალაქეობა უნდა ჩამოერთვას. ”უკრაინის მოქალაქეობას ოქროს წონა უნდა ჰქონდეს”, - განაცხადა მან.

მისი თქმით, პალამენტს უცხოელებისთვის უკრაინის მოქალაქეობის მინიჭების უფლება უნდა გადაეცეს.

ამ დღეებში უმაღლეს რადაში უკვე გაისმა წინადადებები სააკაშვილისთვის მოქალაქეობის ჩამორთმევისა და საქრთველოში გაგზავის შესახებ.

ამასთან ოდესის ყოფილი გუბერნატორი მიხეილ სააკაშვილი Facebook-ის თავის გვერდზე წერს, რომ,  პრეზიდენტი პეტრო პოროშენკო მისთვის უკრაინის მოქალაქეობის ჩამორთმევას აპირებს. სააკაშვილი თავის ინფორმირებულ წყაროს ეყრდნობა და წერს, რომ პოროშენკომ უმაღლესი რადის დეპუტატებს იგორ კონონენკოსა და ალექსანდრ გრანოვსკის სასამართლოს გზით მისი მოქალაქეობის ჩამორთმევის საკითხის გადაწყვეტა დაავალა.   

მიხეილ სააკაშვილმა ოდესის ოლქის გუბერნატორის პოსტი 7 ნოემბერს დატოვა. მან პრეზიდენტი პეტრო პოროშენკო რეგიონში დანაშაულებრივი კლანის მფარველობაში დაადანაშაულა.