ობამა ტრამპს უფრო პრაგმატიკოსად მიიჩნევს, ვიდრე იდეოლოგად

აშშ-ის პრეზიდენტმა აღიარა, რომ დონალდ ტრამპთან დაკავშირებით შიშის საფუძველი აქვს, თუმცა თავისი მემკვიდრის დახასიათებისას აღნიშნა, რომ ის უფრო მეტად პრაგმატიკოსია, ვიდრე იდეოლოგი. ამის შესახებ მან სპეციალურ პრესკონფერენციაზე განაცხადა.

„მრჩება თუ არა მის მიმართ ეჭვები? რა თქმა უნდა, მრჩება. მე და მას რიგ საკითხებთან დაკავშირებით რადიკალურად განსხვავებული მოსაზრებები გვაქვს, თუმცა ჩვენი ფედერალური მთავრობა და დემოკრატია მოტორიანი ნავი არ არის. ის საკრუიზო გემია. ვფიქრობ, დონალდი უფრო პრაგმატული ადამიანია, ვიდრე იდეოლოგი და ეს კარგად ესმის,“-აღნიშნა თეთრი სახლის ლიდერმა.