ორმხრივი სროლის შედეგად 1 პოლიციელი დაიღუპა

საქართველო, თბილისი - 14:38 | 07.11.2016

ნანახია: 1843

ერთი პოლიციელი დაიღუპა და ერთი დაიჭრა ჯორჯიის შტატში მომხდარი ორმხრივი სროლისას.

Fox News-ის ინფორმაციით, ინციდენტი ქალაქ ბაირონში მოხდა. სამართალდამცველთა ცნობით, ორი პოლიციელი მეზობელბს შორის მომხდარი უთანხმოების გამო გამოძახების შემდეგ დანიშნულ ადგილზე გაემართა. როდესაც მითითებულ მისამართზე მივიდნენ, უცნობმა პირმა პოლიციელებს ცეცხლი გაუხსნა, რის შემდეგაც ორმხრივი სროლა დაიწყო.

გავრცელებული ცნობით, პირი, რომელმაც სროლა დაიწყო, დაკავებულია. დაჭრილი პოლიციელის ჯანმრთელობის მდგომარეობა მძიმეა. მომხდართან დაკავშირებით დაწყებულია გამოძიება.