ჯულიან ასანჟს ინტერნეტი გამოურთეს

Wikileaks-ის დამფუძნებელი ჯულიან ასანჟი, რომელიც ბრიტანეთში ეკვადორის საელჩოში უკვე ხუთი წელია ცხოვრობს, ინტერნეტის გარეშე დარჩა. ”ერთ-ერთმა ქვეყნის მთავრობამ შეგნებულად მოუსპო ჯულიან ასანჟს ინტერნეტთან წვდომის შესაძლებლობა. ჩვენ ავამოქმედეთ მანამდე მომზადებული გეგმა გაუთვალისწინებელი გარემოებების შემთხვევაში”, -ნათქვამია Wikileaks-ის ტვიტერში გამოქვეყნებულ განცხადებაში.

დღეს ასანჟი პროკურორებმა სექსუალური შევიწროვების საქმეზე უნდა დაკითხონ. ეკვადორის პროკურატურა დაკითხვას შვედეთის გამოძიების ინტერესების გათვალისწინებით ჩაატარებს.

ჯულიან ასანჟი ეკვადორის საელჩოში 2012 წლიდან იმყოფება. შვედეთში მასზე აღძრულია საქმე ორი ქალის მიმართ გაუპატიურებისა და სექსუალური შევიწროვების საქმეზე. ასანჟი ამ ბრალდებებს უარყოფს, მაგრამ თუ საელჩოს ტერიტორიას დატოვებს ბრიტანეთის ხელისუფლება მას შვედეთს გადასცემს.