"მე ვრჩები პარტიაში," - ეს განცხადება მოძრაობა სახელმწიფო ხალხისთვის ლიდერმა პაატა ბურჭულაძემ ცოტა ხნის წინ გააკეთა. მისი თქმით, პარტიაში დაგეგმილია რეორგანიზაციაც. ბურჭულაძემ აღნიშა, რომ პარტია ადგილობრივ არჩევნებში მონაწილეობას მიიღებს. 

„ჩემი გეგმა არის ის, რომ პარტიამ გააგრძელოს მაგარი მუშაობა, მე ვრჩები, ყველაფერი კარგია. მოხდა უდიდესი რამ, რომ ჩამოყალიბდა ყველაზე ძლიერი ახალგაზრდა პარტია, რომელიც მომავალ არჩევნებშიც მიიღებს მონაწილეობას, მათ შორის ახლა ადგილობრივშიც. ასე რომ, მე ვრჩები პარტიაში, რეორგანიზაცია მოხდება რა თქმა, და ჩვენ ყრილობა გვექნება სულ ცოტა ხანში," - განაცხადა პაატა ბურჭულაძემ. 

პაატა ბურჭულაძე გავრელებულ ინფორმაციას სარეკლამო კომპანიის მიმართ არსებული დავალიანების შესახებ არ ადასტურებს.

ორ საათზე მეტია სახელმწიფო ხალხისთვის პარტიის ოფისში ბურჭულაძის თავმჯდომარეობით კონსულტაციები მიმდინარეობს. მოლაპარაკებები მედიისთვის დახურულია. პარტიამ მანდატები ვერ მოიპოვა, თუმცა როგორც კვალიფიციური სუბიექტი სახელმწიფო, ბიუჯეტიდან 300 ათასი ლარით დაფინანსდება.