ეკა მიშველაძე: 30 სექტემბერს, თბილისს, რომის პაპი ფრანცისკე ეწვევა
საქართველო, თბილისი - 17:51 | 27.09.2016 ნანახია: 1685დღეს საქართველოს პრეზიდენტმა საქართველოს ტერიტორიული მთლინაობისთვის ბრძოლაში დაღუპული 28 გმირი განსაკუთრებული მამაცობისა და თავდადებისთვის ვახტანგ გორგასლის მეორე და მესამე ხარისხის ორდენებით დააჯილდოვა, ამის შესახებ საქართველოს პრეზიდენტის პრესსპიკერმა ეკა მიშველაძემ დღეს გამართულ ბრიფინგზე განაცხადა.
პრეზიდენტის პრესპიკერი ასევე შეეხო მოახლოებულ საპარლამენტო არჩევნებს, - "ჩვენ ძალიან მნიშვნელოვნად მიგვაჩნია და ეს არაერთხელ აღგვინიშნავს, რომ 2016 წლისსაპარალამენტო არჩევნები უნდა ჩატარდეს სამართლიან, მშვიდ და დემოკრატიულ გარემოში".
"პრეზიდენტის აზრით, ნებისმიერ პოლიტიკურ გაერთიანებაში შესაძლოა, იყვნენ აგრესიისკენ მიდრეკილი ადამიანები, რომლებსაც საარჩევნო პროცესი უფრო დესტრუქციული ფორმით წარმოუდგენიათ. თუმცა, ყველაფერი უნდა გაკეთდეს, პირველ რიგში, სახელმწიფოს მხრიდან, რომ ყოველგვარ აგრესიას და ძალადობას გაეცეს შესაბამისი პასუხი და საარჩევნო პროცესიწარიმართოს მშვიდ და სამართლებრივ ჩარჩოებში.
არჩევნებამდე დარჩენილ ამ მოკლე დროში, არ შეიძლება საარჩევნო კამპანიის მთავარი ღერძი იყოს გაუთავებელი საუბარი დესტაბილიზაციის საფრთხეზე, არ შეიძლება პოლიტიკოსები დებატებზემხოლოდ ურთიერთბრალდებების ენით საუბრობდნენ.
ამ ყველაფერს წერტილი უნდა დაუსვან და პასუხი გასცენ სამართალდამცავმა უწყებებმა.
პოლიტიკურმა პარტიებმა და პოლიტიკოსებმა კი, ამომრჩეველს უნდა გააცნონ საარჩევნო პროგრამები და საკუთარი ხედვები. ამომრჩეველს უნდა მიეცეს საშუალება, 8 ოქტომბერს მშვიდ ვითარებაში გააკეთოს საკუთარი არჩევანი.
მინდა, ასევე, რამდენიმე სიტყვით, საქართველოსთვის ძალიან მნიშვნელოვან ვიზიტს შევეხო - 30 სექტემბერს, თბილისს, რომის პაპი ფრანცისკე ეწვევა.
მოგეხსენებათ, პაპი არა მხოლოდ მილიარდ ორასი მილიონი ადამიანის სულიერი ლიდერია, არამედ ვატიკანის სახელმწიფოს მეთაურიცაა. შესაბამისად, ვიზიტის ფორმატი ითვალისწინებს როგორც საერო, ასევე სასულიერო პირებთან შეხვედრას. რომის პაპი შეხვდება საქართველოს პრეზიდენტს გიორგი მარგველაშვილს და საქართველოს კათოლიკოს-პატრიარქს ილია მეორეს.
ვიზიტის მნიშვნელობიდან გამომდინარე, მთელი ვიზიტის განმავლობაში, საქართველო ყველა საერთაშორისო მედიასაშუალების ყურადღების ცენტრში მოექცევა, რაც ჩვენი ქვეყნისთვის კიდევ ერთი შესაძლებლობაა წარმოაჩინოს მისი უნიკალური როლი, როგორც ქრისტიანული ცივილიზაციის ერთერთი შემოქმედისა და განსხვავებულ ცივილიზაციათა დამაკავშირებელი სახელმწიფოსი.
ეს ვიზიტი არის საშუალება, კიდევ ერთხელ გაესვას ხაზი რეგიონში მშვიდობის და დემოკრატიის მნიშვნელობას.
როგორც იცით, ვატიკანი განსაკუთრებულ როლს ასრულებს საერთაშორისო ურთიერთობებში და მისი მხარდაჭერა საქართველოს ტერიტორიული მთლიანობის, სუვერენიტეტისა და ოკუპირებულიტერიტორიების არაღიარების პოლიტიკისადმი, უაღრესად მნიშვნელოვანია.
ასევე ძალიან მნიშვნელოვანია, საქართველოს ყველა მოქალაქისათვის, ამ ვიზიტის ღირსეულად განხორციელება.
გვინდა გამოვეხმაუროთ, ლევილის მამულის საქართვლოსთვის გადმოცემის ფაქტს, რითიც დასრულდა 25 წლიანი პროცესი და ლევილი მის კანონიერ მემკვიდრეს ქართველ ხალხს დაუბრუნდა.
პრეზიდენტს სურს ამ საქმეში შეტანილი წვლილისთვის კიდევ ერთხელ გადაუხადოს მადლობა ყველა იმ ადამიანს და უწყებას, რომელიც ხანგრძლივი პერიოდის განმავლობაში იყო ჩართული ამპროცესში.
მისი წარმატებით დასრულებისთვის კი, განსაკუთრებულად აღსანიშნავია, დიასპორის საკითხებში სახელმწიფო მინისტრის გელა დუმბაძის, საფრანგეთში საქართველოს საელჩოსა და ელჩის, ასევე, პირველი რესპუბლიკის მთავრობის წარმომადგენელთა შთამომავლების როლი.
მინდა, აქვე, შეგახსენოთ, რომ საქართველოს პრეზიდენტის სარეზერვო ფონდის მხარდაჭერითა და დაფინანსებით, სარემონტო სამუშაოები ჩატარდა ლევილის ბიბლიოთეკაში და მოწესრიგდაწიგნების ფონდი. სამომავლოდ ასევე, რამდენიმე საინტერესო პროექტი იგეგმება.
მინდა, ასევე, აღვნიშნო, რომ 2 ოქტომბერს 14:00 საათზე, ბათუმის საკონსტიტუციო სასამართლოში საქართველოს პრეზიდენტისა და უზენაესი სასამართლოს მიერ დანიშნული მოსამართლეებისფიცის დადების ცერემონია გაიმართება.
ღონისძიებას საქართველოს პრეზიდენტი გიორგი მარველაშვილი დაესწრება. პრეზიდენტს არაერთხელ აღუნიშნავს, რომ სასამართლოს სისტემის გამართულად მუშაობა არის ქვეყნის დემოკრატიულობის საფუძველი.
პრეზიდენტი კიდევ ერთხელ გამოთქვამს იმედს, რომ ახალი მოსამართლეების დანიშვნა საკონსტიტუციო სასამართლოს მიმართ ნდობის აღდგენას შეუწყობს ხელს.
დაბოლოს, მინდა აღვნიშნო, რომ მთელი ქვეყნის მასშტაბით გრძელდება საპრეზიდენტო კამპანია „შენი ხმა ჩვენი მომავალია". ამომრჩევლის მობილიზაციის მიზნით პრეზიდენტი განაგრძობს შეხვედრებს საქართველოს სხავადასხვა რეგიონის უნივერსიტეტების სტუდენტებთან.
გიორგი მარგველაშვილი გასულ კვირას უკვე შეხვდა თელავის უნივერსიტეტის სტუდენტებს, იგეგმება შეხვედრები ბათუმში, ახალციხესა და თბილისში", - განაცხადა ეკა მიშველაძემ.
საქართველოს პრეზიდენტი ახალგაზრდებს არჩევნებში აქტიური მონაწილეობისკენ მოუწოდებს.
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა