ლევან კობერიძე: პოლიტიკაში არის წესიერი და პატიოსანი ადამიანების ადგილი

 მუხიანისა და გლდანის 22-ე საარჩევნო ოლქში „ქართული ოცნების“ მაჟორიტარი დეპუტატობის კანდიდატი ლევან კობერიძე მოსახლეობასთან შეხვედრებს აგრძელებს. ლევან კობერიძემ ამომრჩეველს ამჯერად სამომავლო გეგმებზე და „ქართული ოცნების“ ხელისუფლების უპირატესობებზე ესაუბრა.

„ჩვენ ვამტკიცებთ, რომ პოლიტიკაში არის წესიერი და პატიოსანი ადამიანების ადგილი. რთულია, მიიღო პოლიტიკაში წასვლის გადაწყვეტილება. თუმცა, უფრო რთულია, ხედავდე შენს თავში ძალას, რომ შეგიძლია, შენი ხალხისა და ქვეყნის გვერდით დგომა და ამისთვის არაფერი გააკეთო. ჩვენ, „ქართული ოცნება“ თქვენთან ერთად შევძლებთ, მოვიტანოთ კეთილდღეობა თითოეულ ოჯახში“,-აღნიშნა ლევან კობერიძემ.