უკრაინას აქვს უფლება გამოიყენოს კანადური იარაღი რუსეთის ტერიტორიაზე - კანადის თავდაცვის სამინისტრო

უკრაინას შეუძლია თავისუფლად გამოიყენოს რუსეთის ტერიტორიაზე კანადის მიერ მიწოდებული ტანკები, ჯავშანტექნიკა და სხვა იარაღი.  

ამის შესახებ კანადის თავდაცვის სამინისტროში განაცხადეს. იუწყება CBC News.

კანადამ უკრაინას გადასცა რვა Leopard 2A4-ის ტიპის ტანკი, რამდენიმე ათეული ჯავშანტექნიკა და ასობით საპატრულო ჯავშანტექნიკა, ასევე რამდენიმე ჰაუბიცა M-777.

„უკრაინელებმა ყველაზე კარგად იციან როგორ დაიცვან თავიანთი სამშობლო და ჩვენ მზად ვართ მხარი დავუჭიროთ მათ შესაძლებლობებს. კანადას არ აქვს გეოგრაფიული შეზღუდვები სამხედრო აღჭურვილობის გამოყენებაზე, რომელსაც ჩვენ უკრაინას გადავცემთ“, - განაცხადა კანადის თავდაცვის სამინისტროს წარმომადგენელმა ანდრე-ენ პულენმა.

ამ დროისათვის უცნობია გამოიყენეს თუ არა უკრაინულმა დანაყოფებმა კანადური იარაღი რუსეთის ფედერაციის კურსკის ოლქში.