დღევანდელი საპატრიარქო არის რუსეთის რეზიდენტურა და გამყიდველთა ხროვა - დეკანოზი ილია ჭიღლაძე

საქართველო, თბილისი - 19:15 | 27.02.2021
ნანახია: 376

საქართველოს დღევანდელი საპატრიარქო არის რუსეთის რეზიდენტურა და გამყიდველთა ხროვა. აცხადებს დეკანოზი ილია ჭიღლაძე სოციალურ ქსელში.

დეკანოზი აკრიტიკებს საქართველოს საპატრიარქოს დუმილს, საქართველოს საბჭოთა ოკუპაციის 100 წლისთავთან დაკავშირებით.

"საქართველოს მთავრობამ, ანუ რეალურად პრემიერ-მინისტრის აპარატმა ხომ სამარცხვინო შეცდომებით სავსე უვიცური განცხადება გამოაქვეყნეს ოკუპაციის 100 წლის გამო, რომელმაც ყველა ისტორიკოსი აღაშფოთა, ხოლო საპატრიარქომ საერთოდ არაფერი თქვა, ხოლო სიონში გადახდილ პანაშვიდს, რომელსაც საქართველოს პრეზიდენტი ესწრებოდა, არათუ პატრიარქი, თვით მოსაყდრე ან რომელიმე ეპისკოპოსიც კი არ ესწრებოდა, ადგილობრივ წინამძღვარ მღვდელს, მამა გიორგი ზვიადაძეს ჩაატარებინეს, რა არის ეს თუ არა დაცინვა პატრიარქ ამბროსი ხელაიასი და ყველასი ვინც საბჭოთა ოკუპაციას ებრძოდა? მაგრამ სტალინზე მოტირალი და პუტინის მაქებართაგან რა გაგვიკვირდეს? ამიტომ ვამბობ, საქართველოს დღევანდელი საპატრიარქო არის რუსეთის რეზიდენტურა და გამყიდველთა ხროვა, სადაც ამბროსი ხელაიას გზა დიდი ხანია უარყოფილია და ეგზარქოსული სული აღზევდა!", - წერს დეკანოზი.




არქივი

მოგვძებნე Facebook-ზე