ირაკლი ჩიქოვანი: ოკუპირებულ ტერიტორიებზე არსებობს საფრთხე, ანტისახელმწიფოებრივი ღონისძიებებისთვის
საქართველო, თბილისი - 11:24 | 27.11.2015 ნანახია: 1866საქართველოს სახელმწიფო უსაფრთხოების სამსახური „ისლამური სახელმწიფოს“ სახელით ქართველი ხალხის მიმართ გავრცელებული ვიდეომიმართვის ავტენტურობას იძიებს, შინაგან საქმეთა სამინისტრო კი გამკაცრებული სასაზღვრო პოლიტიკის დასტურად აცხადებს, რომ მხოლოდ ბოლო ათ დღეში საქართველოში შემოსვლის მსურველი 479 პირი უკან გააბრუნეს. 23 ნოემბერს გავრცელებული მუქარის შემცველი ვიდეოს გარშემო არ წყდება მსჯელობა სოციალურ ქსელებში, პოლიტიკური ოპოზიცია კი თავდაცვისა და უშიშროების კომიტეტის საგანგებო სხდომის გამართვას და შექმნილ ვითარებაში სამოქმედო გეგმის შემუშავებას ითხოვს. ამასთან, სახელმწიფო უსაფრთხოების სამსახურმა შესაძლოა, ISIS-თან კავშირის გამო რამდენიმე პირის სამართლებრივი დევნა დაიწყოს. პოლიტიკური ოპოზიცია, კერძოდ, „თავისუფალი დემოკრატები“ პარლამენტის თავდაცვისა და უშიშროების კომიტეტის შეკრებას მოითხოვენ. საპარამენტო ფრქაცია „თავისუფალი დემოკრატების“ ლიდერი ირაკლი ჩიქოვანი მიიჩნევს, რომ აუცილებელია შესაბამისი ძალოვანი სამსახურების სრული მობილიზება და ინტერნეტით გავრცელებულ ვიდეოზე ასახული პირების იდენტიფიცირება, ასევე კავშირების, მათ მიერ საქართველოს დატოვებისა და შემდგომი შესაძლო ნაბიჯების გამოძიება. „პრაიმნიუსჯორჯია“ ირაკლი ჩიქოვანს ესაუბრა:
- ე.წ. ისლამური სახელმწიფოს მხრიდან გამოთქმული მუქარის საკითხის პარლამენტში განხილვასთან დაკავშირებით, საპრალემენტო უმრავლესობაში სხვადასხვა აზრი არსებობს. ეკა ბესელია მიიჩნევს, რომ ამ საკითხში პარლამენტის რაიმე სახით ჩართვა გამართლებული არ არის, რადგან საქმე უკვე აღძრულია და გამოძიების დასრულებამდე, რაიმე დასკვნების გამოტანა მიზანშეწონილი არ არის. გიორგი ვოლსკი კი წინააღმდეგი არ არის, თუკი იგი პარლამენტის ნდობის ჯგუფის მიერ დახურულ რეჟიმში იმსჯელებს. თქვენი აზრით, რა შედეგის მომტანი უნდა იყოს იმ ტექსტის შინაარსის შესახებ საპარლამენტო მსჯელობის გამართვა, რაც საზოგადოებამ „ქართულენოვანი“ მუქარა მოისმინა?
-მე არ ვსაუბრობ მხოლოდ იმ ვიდეოზე, რომელიც ინტერნეტით გავრცელდა, ეს უბრალოდ, ბოლო ფაზა და ეტაპი იყო. დღეს რეალურად, ყველამ დავინახეთ, პრაქტიკულად, ტერორიზმმა კიდევ ერთხელ დაამტკიცა, რომ არა აქვს საზღვრები და ეს არის ტრანსნაციონალური დანაშაული, რომელსაც ადეკვატური რეაგირება სჭირდება. იქიდან გამომდინარე, რომ საქართველოს, როგორც სახელმწიფოს, გვაქვს ადგილმდებაროება, რომელიც აკავშირებს ევროპას და აზიას, ახლოს არის კონფლიქტურ რეგიონთან. ასევე მნიშვნელოვანი პრობლემებია სახელმწიფო საზღვრის დაცვასთან დაკავშირებით, სრულ პერიმეტრზე, ამას დამატებული, რომ საქართველოს რამდენიმე მოქალაქე სირიის ტერიტორიაზე იმყოფება და იბრძვის ე.წ. „ისლამური სახელმწიფოს“ მხარეს და კიდევ ბევრი სხვა რამ. ყველაფერ ამას დავამატებთ რა, ვიდეომასალას, ერთიანი პროცესი გამოდის. რა თქმა უნდა, აღნიშნულ ვიდეო-მასალაზე გამოძიება უნდა გაგრძელდეს, მაგრამ მე ვსაუბრობ იმასთან დაკავშირებით, თუ რას აკეთებენ სახელმწიფო უწყებები ამ პრობლემასთან დაკავშირებით, რადგან ყველას უნდა ქონდეს ნათელი წარმოდგენა, რომ ჩვენი სახელმწიფო იღებს კონკრეტულ გადაწყვეტილებებს, რომელიც ხელს შეუწყობს ჩვენი უსაფრთხოების გაღრმავებას. „თავისუფალი დემოკრატების“ საუბარი არის კონკრეტული, რომელიც არ იქნება პოზიცია-ოპოზიციად, ხელისუფლება-არახელისუფლებად გამყოფი, არამედ, ეს არის ყველა ძალის კონსოლიდირების შესაძლებლობა. მე თქვენ დაგისვამდით შეკითხვას, იცით თუ არა, რაიმე სახის ღონისძიება, რომელსაც ჩვენი სახელწიფო ატარებს მას შემდეგ, რაც ასე გააქტიურდა ტერორიზმის საფრთხე ევროპაში? მე მსგავსი ვერაფერი ვნახე, მხოლოდ ზოგადი ფრაზები მოვძებნე, სადაც, უსაფრთხოების საბჭოს ხელმძღვანელი, რომელმაც საკუთარი ხელფასის რაოდენობაც კი არ იცის, მეუბნება, რომ ყველაფერს გააკეთებს. მე არ ვარ დარწმუნებული, რომ ასეთ ადამიანებს სიტყვა „ყველაფერის“ ადეკვატური მნიშვნელობა ესმოდეთ. ამის მიუხედავად, ყველა უნდა გავრთიანდეთ და საზოგადოებას ავუხსნათ, რომ კონკრეტული ღონისძიებები ხორციელდება. გადახედეთ ევროპის ნებისმიერ სახელმწიფოს, განხორციელდა თუ არა ტერაქტები, აბსოლუტურად ყველა ქვეყნის საკანონმდებლო ორგანოში მოხდა ანალოგიური თავდაცვითი და უშიშროების მიმართულებით მომუშავე საკომიტეტო შეკრება და სახელმწიფო სტრუქტურებმა მათ გააცნეს ინფორმაცია. რა თქმა უნდა, ყველა ინფორმაცია საჯარო არ იქნება, მაგრამ საუბარია იმაზე, რომ ხელისუფლების ერთერთ შტოს, -პარლამენტს ქონდეს ინფორმაცია, თუ რა კეთდება ამასთან დაკავშირებით. ამის შემდგომ მოხდება საჯარო და „საიდუმლოების შესახებ“ კანონის გათვალისწინებით, საზოგადოებისთვის ინფორმაციის გაცნობა, რომ მათ თავი დაცულად იგრძნონ.
-როდესაც ევროპული პარლამენტების მაგალითებზე აკეთებთ აქცენტს, გასათვალისწნებელია, რომ იქ ხმამაღლი პოზიციები დაფიქსირდა მას შემდეგ, რაც საფრანგეთის დედაქალაქში კონკრეტული ტერორისტული აქტები განხორციელდა. ხომ არ ფიქრობთ, რომ საქართველოს ხელისუფლება, რომელზეც გლობალური პრობლემების გადაჭრა და პროცესების განვითარება დამოკიდებული არ არის, მიზანშეწონილად არ მიიჩნევს იმ თემების გასაჯაროვებას, რომლზეც შესაძალოა კონფიდენციალურად მუშაობდეს კიდეც?
-ჩვენ კონკრეტულ საქმეებზე ვსაუბრობთ. ხედავს თუ არა საფრთხეს და როგორ აფასებს ჩვენი ხელისუფლება იმ მოვლენებს, რომელიც ვითარდება იგივე საფრანგეთში და ევროპის სხვა დედაქალაქებში. საინტერესოა, ჩვენი სახელმწიფო მოვლენებს რეალურად აფასებს თუ არა, არის თუ არა საფრთხეები მომატებული, ქვეყნისთვის, რომელიც ევროპასთან არის ასოცირებული და მონაწილეობს საერთაშორისო ოპერაციებში, რადგან გვჭირდება ადეკვატური მოქმედებები. მე არ ვამბობ, რომ საქართველოში ხვალ ტერაქტი მოხდება და არც ის არ მინდა, რომ საქართველოს გავლით ისეთმა ადამიანებმა იმოძრაონ, რომლებიც სხვადასხვა დანაშაულებებში შემჩნეული არიან. აქედან გამომდინარე ვამბობდით, ანტიტერორისტული ცენტრის შექმნა სტრატეგიული გადაწყვეტილება იქნებოდა ამ მიმართულებით. ამასთან, მნიშველოვანია საზღვრსი დაცვის თემაც.
- „თავისუფალი დემოკრატების“ ლიდერი ირაკლი ალასანია მიიჩნევს, რომ აუცილებელია უსაფრთხოების სამსახურისთვის დაფინანსების გაზრდა, შესაბამისი აღჭურვილობისა და ოპერატიული საშუალებების შეძენა, რადგან საქართველოში ტერორისტული აქტების პირველი სამიზნე ყოველთვის იყო ჩვენი ქვეყნის შეიარაღებული ძალები და პრეზიდენტები. აქედან გამომდინარე, აუცილებელია სასწრაფოდ გარდაიქმნას კონტრტერორისტული ცენტრი იმ სტრუქტურად, სადაც თავს მოიყრის ყველა ინფორმაცია, რომელიც განაწილებული იქნება სამართალდამცავ სტრუქტურებში და, რაც მთავარია, ამისთვის გამოყოფილი იქნება შესაბამისი ფინანსები. საინტერესოა უკვე იყო თუ არა, რაიმე სახის მსჯელობა და რამდენად არის მოსალოდნელი, რომ აღნიშნული ინიციატივის განხილვა ხელისუფლებისთვის საინტერესო საკითხი გახდება?
-ამას ვითხოვდით მანამდე, ვიდრე ტერორიზმის საფრთხე გამძაფრდებოდა. პირადად მე, ვიდეო-მასალასთან დაკავშირებით, პარლამენტის თავდაცვისა და უშიშროების კომიტეტის სხდომას კი არა, ზოგადად უსაფროებასთან დაკავშირებული ვითარებისა და გარმოების საკითხების განხილვას ვითხოვ. როდესაც პირველი ტერაქტები მოხდა, მაშინვე ვთქვით, რომ უსაფრთხოების სამსახურის ფუნქციები უნდა გაძლიერდეს კონკრეტულად, ანტიტერორისტული მიმართულებით. ეს არის ჩვენი მოსაზრება და მათვე ვთავაზობთ შესაძლებლობას, რაც ვიცით, გაგვიკეთებია და გამოცდილებაც გვაქვს. მე ვერ ვხედავ ხელისუფლების მხრიდან, რომ ეს მზაობა არსებობს.
- ტერირისტულ ჯგუფთა ნაკადი, რომელიც ახლო აღმოსავლეთიდან შუაგულ ევროპაში აღმოჩნდა, თავად ირჩევენ სამოქმედო სამიზნეებს. ყოველგვარი პოლტიკური კონიუნქტურების გარეშე, რამდენად რეალურად ხედავთ საქართველოს პოტენციურ საფრთხეებს, საქართველოს საგარეო პრიპრიტეტების გათვალისწინებით, რამდენად არის მოსალოდნელი, რომ „ისლამური სახელმწიფოს“ ინტერესებში საქართველოში მსგავსი ქმედებების განხორციელება შევა?
-პირველ რიგში გეტყვით, რომ საქართველოსთვის ტერორისტული აქტების პირდაპირი და გარდაუვალი საფრთხე არ არსებობს. ეს ჩემი შეფასებაა. საქართველსოთვის არსებობს რიგი საფრთხეები და მათ შორის ის, რომ შესაძლოა, იგი გამოყენებული იქნას, როგორც სატრანზიტო ქვეყანა. ყველა ამ საკითხთან დაკავშირებულ წინადადებას, ჩვენ ამ კონტექსტში ვსვამთ. აუცილებელია კონტროლის გაძლიერება არა მხოლოდ სასაზღვრო პუნქტების, არამედ სახელმწიფოს მთელ პერიმეტრზე, უნდა გვყავდეს მეგობარ სახელმწიფოებთან პერმანენტული მეკავშირეობის წევრი უსაფრთხოების ინფორმაციის საკითხებში და უნდა გაძლიერდეს უსაფრთხოების სამსახურების შესაძლებლობები ანტიტერორისტული მიზნებისათვის.
- არაოფიციალურად გახდა ცნობილი, „ისლამური სახელმწიფოს“ წევრთა ქართულენოვანი მუქარა თავდაპირველად რუსულენოვან საიტზე გამოჩნდა, რის შემდეგაც მისი ტირაჟირება ქართულ მედია- საიტებზე მოხდა. ფიქრობთ თუ არა, რუსეთის მხრიდან ოკუპირებული რეგიონებიდანარსებულ პოტენციურ საფრთხეზე და რამდენად შეიძლება მას რუსეთის ინტერებთან ქონდეს კავშირი?
-მე არავის პოზიციაზე კომენტარს არ გავაკეთებ, მაგრამ გეტყვით ჩემს მოსაზრებას. ნებისმიერი ოკუპიებული ტერიტორიები, რომელზეც არსებობს კვაზი სახელმწიფოები და აბსულუტურად არალეგიტიმური ხელსიუფლებები, სადაც პრაქტიკულად არ არსებობს გამართული სახელმწიფო ორგანოები, ყოველთვის არსებობს პოტენციური საფრთხე, როგორც კრიმინალური, ისე სხვა ნებისმიერი ანტისახელმწიოფებრივი მოქმედებებისა და ღონისძიებებისათვის.
- იმის გარდა, რაზეც უკვე ვისაუბრეთ, საინტერესეოა, რამდენად არის საქართველოში ვითარების დაძაბვა დამოკიდებული მსოფლიოს დიდი სახელმწიფოებზე და იქ მიმდინარე მოვლენებზე?
-ჩვენ ნურავის დაველოდებით საკუთარი საშინაო დავალების შესასრულებლად. უკვე გითხრით, რომ ჩვენს წინადადებებში შედის ინტენსიური დიალოგი პარტნიორ ქვეყნებთან, მაგრამ ჩვენ ვერ დავჯდებით და ვერ დაველოდებით, რა მოხდება სხვა ქვეყნების ტერიტორიაზე. ჩვენ პასუხისმგებელი უნდა ვიყოთ, რომ საკუთარი ქვეყნის ტერიტორიაზე არაფერი მოხდეს.
”პრაიმნიუსჯორჯია”, ხათუნა ხატიაშვილი
პოლიტიკა
- რუსეთი საქართველოს მეგობარი არაა, მაგრამ „ოცნება“ როგორც ჩანს, სხვანაირად ფიქრობს - კონგრესმენი სტივ კოენი
- ვწუხვარ, მაგრამ შორიდან, დამკვირვებლის პოზიციაში ყოფნა ზიანს აყენებს ევროკავშირსაც და ქართველ ხალხსაც - მირიამ ლექსმანი მაკრონს და შოლცს
- არ ექვემდებარება გაუმჯობესებას - რუსულ კანონზე პრეზიდენტის მოტივირებული შენიშვნები გამოქვეყნდა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
სამართალი
- შსს-მ ნარკოდანაშაულისთვის 77 პირი დააკავა, მათგან 23 ნარკორეალიზატორია
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
მსოფლიო
- ერდოღანის განცხადებით, ირანის პრეზიდენტის დაღუპვის გამო თურქეთში ერთდღიანი გლოვა გამოცხადდა
- ვწუხვართ ნებისმიერი სიცოცხლის დაკარგვის გამო, მაგრამ ებრაჰიმ რაისის სიკვდილი ირანის მიმართ მიდგომებს არ შეცვლის - მეთიუ მილერი
- უარვყოფთ სისხლის სამართლის საერთაშორისო სასამართლოს პროკურორის მიერ ისრაელისა და „ჰამასის“ გათანაბრებას, ეს სამარცხვინოა - ენტონი ბლინკენი
- დიდი ბრიტანეთი რუსეთის სამხედრო ატაშეს გააძევებს
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა