ტექნიკური უნივერსიტეტი სპეციალური საგანმანათლებლო საჭიროების მქონე პირთა რეგისტრაციას იწყებს

იწყება სპეციალური საგანმანათლებლო საჭიროების მქონე პირთა რეგისტრაცია პროფესიულ პროგრამებზე. 2013 წლის შემოდგომიდან პროფესიულ საგანმანათლებლო პროგრამებზე ხორციელდება სპეციალური საგანმანათლებლო საჭიროების მქონე პირების ჩარიცხვა. ინიციატივის მიზანია, ხელი შეუწყოს ინკლუზიური პროფესიული განათლების დანერგვას და სპეციალური საჭიროების მქონე პირთათვის პროფესიული განათლების ხელმისაწვდომობას, პოპულარიზაცია გაუწიოს დასაქმების თანაბარი უფლების აღიარებას და უზრუნველყოფას, ხელი შეუწყოს სსსმ/შშმ პირის ტრანზიციის პროცესს ზოგადსაგანმანათლებლო სისტემიდან პროფესიული განათლების სისტემის გავლით დასაქმების ბაზრამდე.

შშმ და სსსმ პირებს, ჩვეულებისამებრ, ეძლევათ შესაძლებლობა დარეგისტრირდნენ სასურველ პროგრამებზე. მულტიდისციპლინური გუნდის შეფასების შედეგად, სპეციალური საგანმანთლებლო საჭიროების მქონე პირის სტატუსის დადგენის შემთხვევაში, ისინი სარგებლობენ ალტერნატიული პროფესიული უნარების მოსინჯვით. 

საქართველოს ტექნიკურ უნივერსიტეტში 2017 წელს სპეციალური საგანმანათლებლო საჭიროების მქონე პირთა რეგისტრაციის ვადა ემთხვევა პროფესიულ საგანმანათლებლო პროგრამებზე დადგენილ საყოველთაო რეგისტრაციის ვადებს. საგაზაფხულო მიღებისათვის რეგისტრაცია დაიწყება 2017 წლის 27 მარტიდან 8 აპრილის ჩათვლით, ყოველდღე 10:00 საათიდან 16:00 საათამდე კვირის გარდა. (თბილისი, კოსტავას 77, ადმინისტრაციული კორპუსი, მე-3 სართული, ოთახი N350 საგნობრივი პროგრამები, N352 მოდულური პროგრამა); 

საკონტაქტო პირი: ინკლუზიური პროფესიული განათლების სპეციალისტი, თამარ კობერიძე  (555 535 282).