პრეზიდენტის ადმინისტრაცია პარლამენტს ვეტოს, არგუმენტირებულ შენიშვნებთან ერთად დღეს წარუდგენს

პრეზიდენტის ადმინისტრაცია პარლამენტს ვეტოს, არგუმენტირებულ შენიშვნებთან ერთად დღეს წარუდგენს. 

სასამართლო სისტემის რეფორმირების ე.წ. მესამე ტალღის ცვლილებების განხორციელებას დაგვიანებულს, ხოლო პრეზიდენტის ვეტოს მოულოდნელს უწოდებს იუსტიციის მინისტრი. თეა წულუკიანის განცხადებით, მთავრობა და საკანონმდებლო ორგანო პრეზიდენტის ადმინისტრაციასთან პოზიციის შეჯერების მიზნით იმუშავებენ. იმ შემთხვევაში თუ  შეთანხმებას ვერ მიაღწევენ,   მმართველი პარტია ვეტოს დაძლევს. 

პრეზიდენტის ადმინისტრაციაში კი ვეტოს უფლების გამოყენების მიზეზებს განმარტავენ. ანა დოლიძის განცხადებით, რეფორმის ე.წ. მესამე ტალღა პირისათვის სასამართლო კოლეგიისა და სასამართლოს თავმჯდომარის, ასევე იუსტიციის უმაღლესი საბჭოს წევრობის უფლებას ითვალისწინებს, რაც პრეზიდენტის ვეტოს მოტივი გახდა.   

ცვლილებას ადმინისტრაციაში ერთი პირის ხელში ძალაუფლების კონცენტრირებად აფასებენ.