პან გი მუნის ძმასა და ძმისშვილს კორუფციაში ადანაშაულებენ

გაეროს ყოფილი გენერალური მდივნის, პან გი მუნის ძმასა და ძმისშვილს ამერიკელი მაღალჩინოსნის მოსყიდვის მცდელობაში ადანაშაულებენ. სააგენტო „ასოშიეიტედ პრესის“ ინფორმაციით,  შენობების კომპლექსის ხელში ჩასაგდებად ისინი სახელმწიფო მაღალჩინოსანს ქრთამს სთავაზობდნენ. პან გი მუნის ძმიშვილი სასამართლოს წინაშე უკვე წარსდგა. ის 250 ათასიანი გირაოს გადახდის შემდეგ გაათავისუფლეს.

პან გი მუნი გაეროს გენერალური მდივნის პოსტს 2007-2016 წლებში იკავებდა. მისი მემკვიდრე პორტუგალიის ყოფილი პრემიერ-მინისტრი ანტონიუ გუტერიში გახდა, რომელიც თავისი მოვალეობის შესრულებას 2017 წლის 1 იანვრიდან შეუდგა.