პრემიერ–მინისტრმა ქვეყნის ენერგოუსაფრთხოების კუთხით გადადგმულ ნაბიჯებზე ისაუბრა
საქართველო, თბილისი - 14:17 | 09.06.2016 ნანახია: 1372ცვალებად გლობალურ ენერგოგარემოზე, მის ზეგავლენასა და გლობალიზაციის არსებულ ტენდენციებზე ექსპერტები, მეცნიერები და პოლიტიკოსები თბილისში მიმდინარე საერთაშორისო ენერგეტიკული უსაფრთხოების კონფერენციაზე მსჯელობენ. კონფერენციას- „ენერგეტიკის საერთაშორისო ფორუმი 2016: ენერგოუსაფრთხოება - ძველი და ახალი გეოპოლიტიკური პარადიგმა," საქართველოს პრემიერ-მინისტრი დაესწრო. გიორგი კვირიკაშვილმა მონაწილეობა მიიღო დისკუსიაში, რომელსაც მოდერატორობას უწევდა საერთაშორისო და სტრატეგიული კვლევების ცენტრის ენერგეტიკისა და ეროვნული უსაფრთხოების პროგრამის მკვლევარი ედუარდ ჩოუ. საქართველოს პრემიერ–მინისტრმა ვრცლად ისაუბრა ქვეყნის ენერგოუსაფრთხოების კუთხით გადადგმულ ნაბიჯებზე, მიმდინარე და დაგეგმილ ენერგეტიკულ პროექტებზე, საქართველოს სატრანზიტო როლზე, ქვეყნის სტრატეგიულ გეოგრაფიულ მდებარეობაზე, საქართველოს საინვესტიციო შესაძლებლობებზე, „აბრეშუმის სარტყელის" მნიშვნელობაზე. „სულ ცოტა ხნის წინ ჩვენ აღვნიშნეთ პირველი ტრანზიტული პროექტის განხორციელების 20 წლის იუბილე, რომელიც გახლდათ „ბაქო–სუფსას" მილსადენი და ის იყო პირველი მილსადენი, რომელმაც საქართველო ენერგეტიკულ რუკაზე დასვა. ამის შემდეგ რამდენიმე მნიშვნელოვანი პროექტი განხორციელდა, მათ შორის „ბაქო–თბილისი–ჯეიჰანის მილსადენი," „სამხრეთ კავკასიის გაზსადენი," „შაჰ–დენიზის" პროექტი, რომლითაც დამატებითი გაზი შემოდის მილსადენში. ეს მთლიანობაში 45 მილიარდი დოლარის ენერგეტიკული პროექტია, საიდანაც 2 მილიარდი პირდაპირ საქართველოში ინვესტირდება,"–განაცხადა პრემიერმა. გიორგი კვირიკაშვილმა ხაზი გაუსვა აზერბაიჯანთან თანამშრომლობის გაღრმავების აუცილებლობას. მისი თქმით, აზერბაიჯანი, ენერგორესურსების მიწოდების თვალსაზრისით, საქართველოს ნომერ პირველი სტრატეგიული პარტნიორია. პრემიერ–მინისტრმა ასევე ისაუბრა ენერგოუსაფრთხოების კუთხით ამერიკის შეერთებული შტატების მხარდაჭერის მნიშვნელობაზე. „ამერიკის შეერთებული შტატები მნიშვნელოვანი სტრატეგიული პარტნიორია. ეს არის პარტნიორობა, რომელიც გრძელდება 25 წელი, მას შემდეგ საქართველომ აღადგინა დამოუკიდებლობა. ამიტომ ისეთი სტრატეგიული პროექტების განხორციელებაში, როგორიც არის „ბაქო–სუფსა", „ბაქო–თბილის–ჯეიჰანი," „ბაქო–თბილისი– ერზრუმის გაზსადენი" დიდია წვლილი აშშ–ს დახმარებისა. ამერიკა რეგიონალურად უმნიშვნელოვანესი მოთამაშეა, ჩვენს რეგიონს გააჩნია გაყინული პროექტები, არსებობს ტერორიზმის საფრთხეები და, შესაბამისად, ამ საფრთხეების შერბილება და მასთან ბრძოლა შეუძლებელია ამერიკის შეერთებული შტატების დახმარების გარეშე,"–აღნიშნა პრემიერმა. გიორგი კვირიკაშვილის თქმით, საქართველომ დაამტკიცა, რომ ის არის სტაბილური პარტნიორი დასავლეთისთვის და არის კარგი ბაზა იმისთვის, რომ მოხდეს თანამშრომლობის გაფართოება აღმოსავლეთის ქვეყნებისა დასავლეთთან. კონფერენციის განიხილვის თემაა საქართველოსა და მისი მეზობელი ქვეყნების -აზერბაიჯანის, თურქეთისა და სომხეთის როლი გლობალურ ენერგოპროცესებში. საუბარი შეეხება ევროკავშირისა და დასავლეთის ქვეყნების შესაძლებლობებს– ხელი შეუწყონ საქართველოს, როგორც ტრანზიტული ქვეყნის როლისა და ფუნქციის გაზრდას და სხვა ქვეყნებთან მისი შედარებითი უპირატესობის გაძლიერებას. ღონისძიებას, რომელიც ეკონომიკური პოლიტიკის კვლევის ცენტრის (EPRC), კონრად ადენაუერის ფონდისა (KAS) და თბილისში აშშ-ის საელჩოს ორგანიზებით იმართება, მაკკეინის ინსტიტუტის დემოკრატიისა და ადამიანის უფლებების მიმართულების დირექტორი დევიდ კრამერი, ევროკავშირის ელჩი საქართველოში იანოშ ჰერმანი, თურქეთის ელჩი საქართველოში ზაქი ლევენთ გუმრუქჩუ, საქართველოს ვიცე–პრემიერი, ენერგეტიკის მინისტრი კახა კალაძე ესწრებიან. კონფერენციაში ასევე მონაწილეობენ დიპლომატიური კორპუსისა და სამოქალაქო სექტორის წარმომადგენლები, პოლიტიკოსები, მეცნიერები და ექსპერტები სხვადასხვა ქვეყნიდან.
პოლიტიკა
- გუშინ, შვიდკაციანი კოლონა რომ მოდიოდა, იქაც კი დაჩაგრეს ხაბეიშვილი, რა ვუშველო, არ ვიცი, არც იქანა უნდათ, არც აქანა მიიღეს, იქაც უკან მოჩანჩალებდა - ირაკლი ზარქუა
- ვერანაირი საპარლამენტო არჩევნები ვერ იქნება აღიარებული დემოკრატიულ არჩევნებად, თუ მიხეილ სააკაშვილი არ იქნება თავისუფალი და არ იქნება კამპანიაში ჩართული - პეტრე ცისკარიშვილი
- საქართველო მზად არის, დადებითი როლი შეასრულოს იმ პროცესებში, რომლებიც უკავშირდება ჩვენს რეგიონში მშვიდობისა და სტაბილურობის უზრუნველყოფას - ირაკლი კობახიძე
- ნებისმიერ თემას შეგიძლიათ მიუჩინოთ ხელოვნური სპიკერი, მაგრამ დიასპორაში გაგიჭირდებათ, ისინი ადვილად ამოიცნობენ ყალბ გულშემატკივარს - ბექა ოდიშარია ოპოზიციას
საზოგადოება
- თბილისის ერთ-ერთ სკოლაში წიწაკის სპრეი გაუშვეს, რამდენიმე მოსწავლე პრევენციის მიზნით კლინიკაში გადაიყვანეს
- ზრუნვის 1 საათი დედამიწას - „თეგეტა“ გარემოსდაცვით აქტივობას „დედამიწის საათს“ შეუერთდა
- 26 მარტიდან 27 მარტის დილამდე საქართველოში მოსალოდნელია წვიმა, მაღალმთაში ზოგან ძლიერი თოვა და ქარბუქი
- „თეგეტა“, „სქილვილი“ და „ჩართე“ გოგონების ციფრული მომავლის მხარდასაჭერად გაერთიანდნენ
სამართალი
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
- გორში დედაზე ძალადობისა და მუქარის ბრალდებით 19 წლის ბიჭი დააკავეს
მსოფლიო
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
- კიევზე სარაკეტო იერიში განხორციელდა
- ალაჰს ვაბარებთ პიროვნებას, რომელსაც ნეთანიაჰუ ჰქვია, გაანადგუროს და დაწყევლოს - რეჯეფ თაიფ ერდოღანი
კონფლიქტები
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
- სახალხო დამცველის ინსტიტუტის მხრიდან, ამას შეფასება ვერ მოჰყვება, რადგან არ შედის იმ ტიპის საკითხებში, რომლებზეც ჩვენ ვაკეთებთ კომენტარს - ლევან იოსელიანი პრეზიდენტის იმპიჩმენტზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა