„ჩემი სურვილი იქნება რომ „რუსთავი 2“ არჩევნებს შეხვდეს“ - ბიძინა ივანიშვილი

საქართველო, თბილისი - 13:37 | 07.06.2016
ნანახია: 1023

საქართველოს ექს-პრემიერმა ბიძინა ივანიშვილმა „რუსთავი 2“-ის საქმესთან დაკავშირებით მიმდინარე სასამართლო პროცესებზე ისაუბრა.

ივანიშვილის განცხადებით, სასურველი იქნებოდა თუ „რუსთავი 2“-ი არჩევნებს არსებული ფორმით შეხვდება.

„ჩემი სურვილი იქნება რომ „რუსთავი 2“ არჩევნებს შეხვდეს იმ ფორმით როგორიც არის, თქვენ ძალიან ბევრი სიცრუეს ავრცელებთ, მაგრამ აქ მაგის გავრცობას ვერ მოვახერხებთ. თქვენი დირექტორი ხშირად უხეშობს და უზრდელობს სასამართლოზე, რადგანაც გამოაძევეს. ძალიან იშვიათად ვაკვირდები პროცესს, მონიტორინგს ვკითხულობ, ამის გახსენების სურვილიც არ მქონდა გვარამია რატომ გამოაძევეს, ეს არ არის საინტერესო ჩემთვის. მომეწონა ნადირაშვილის შეფასება, ასეთ მარგალიტებს რომ აფრქვევს „რუსთავი 2“-ზე, თურმე ეს არის მედიის დამხობა. შეეგუეთ, თქვენც უნდა მიეჩვიოთ ქალბატონო ეკა, თქვენი მეუღლეც, თქვენ რომ ყველნაირი პრივილეგია გქონდათ, თქვენს გუნდს, თქვენ უნდა შეეჩვიოთ იმას, რომ კანონი ყველაზე მოქმედებს. თქვენ დროს სასამართლო იყო ნოტარიუსი. სასამართლოს ნუ აყენებთ შეურაცხყოფას. სასამართლოს მივეცით თვითგანვითარების საშუალება. შეეგუეთ ამას, 9 წლის განმავლობაში სათამაშოდ გქონდათ გადაქცეული, თქვენ დროს სასამართლო არ არსებობდა“, - განუცხადა ბიძინა ივანშვილმა ჟურნალისტ ეკა კვესიტაძეს.





არქივი

მოგვძებნე Facebook-ზე