TNT -მ საქათველოში საზგაო სერვისის მიწოდება დაიწყო

საქართველო, თბილისი - 16:06 | 01.10.2015
ნანახია: 1662

TNT საქართველოსთან გეგმიური საგზაო კავშირის დამყარება დაიწყო.  TNT ექსპრეს მიწოდების სერვისის პირველი პროვაიდერია კავკასიაში, რომელიც მომხმარებლებს ეკონომიურ სერვისს შესთავაზებს საქართველოდან და საქართველოში როგორც საჰაერო ექსპრეს სერვისის ალტერნატივას. მაგისტრალი საქართველოს დედაქალაქს, თბილისს TNT-ს ევროპულ საგზაო ქსელთან European Road Network (ERN) დააკავშირებს თურქეთის, კერძოდ სტამბულის მეშვეობით. სტამბულიდან TNT კავკასიის გამანაწილებელ პუნქტს საკუთარ ERN არხებით 40-ზე მეტ ევროპულ ქვეყანასთან დააკავშირებს. ამ სერვისის მეშვეობით მომხმარებლები კონკურენტუნარიან ტარიფებს და ტრანზიტის დროს მიიღებენ.

 TNT ექსპრეს გადაზიდვის ერთ-ერთი უმსხვილესი კომპანიაა მსოფლიოში, რომელიც ყოველდღიურად ერთი მილიონი ამანათის, დოკუმენტის და სხვადასხვა ტიპის გზავნილების მიწოდებას უზრუნველყოფს. საგზაო და საჰაერო გადაზიდვების ქსელით კომპანია ოპერირებს ევროპაში, ახლო აღმოსავლეთში, აფრიკაში, აზია-წყნაროკეანურ ზონაში და ამერიკაში. 2014 წელს TNT-ს შემოსავალმა 6,7 მილიარდი ევრო შეადგინა.

 დღესდღეობით TNT გლობალური კომპანიაა, რომელიც მთელი მსოფლიოს მასშტაბით ქვეყანაში ოპერირებს. თუმცა, მისი ისტორია 1940-იან წლებში, ავსტრალიაში საკმაოდ მოკრძალებულად დაიწყო, როცა კენ ტომასმა თავსი კუთვნილი ავტომობილებით რეისების შესრულება გადაწყვიტა.

 მოგვიანებით, 1950 -იან წლებში ბიზნესმა წარმატებას მიაღწია და კლიენტებს საგზაო და სარკინიგზო გადაზიდვები შესთავაზა მთელი ავსტრალიის ტერიტორიაზე. 1958 წლიდან კომპანია ცნობილი გახდა, როგორც “ტომას ნაციონალური ტრანსპოტი” -Thomas Nationwide Transport , შემოკლებით TNT , ხოლო 1961 წელს TNT იმდენად წარმატებული კომპანია გახდა, რომ სიდნეის საფონდო ბირჟის ლისტინგში მოხვდა.

1996 წლიდან TNT-მ საქართველოში დაიწყო ოპერირება. დღეს, TNT საქართველო თავის კლიენტებს საფოსტო გზავნილების სრულ სპექტრს სთავაზობს, როგორც საქართველოს ნებისმიერ ქალაქში, ასევე მსოფლიოს ყველა წერტილში.




არქივი

მოგვძებნე Facebook-ზე