ექიმების საერთაშორისო დღეს „ვოლვო ქარ საქართველომ“ შოურუმში სამედიცინო სფეროს წარმომადგენლებს უმასპინძლა
საქართველო, თბილისი - 14:01 | 02.04.2024 ნანახია: 1923„ვოლვო ქარ საქართველომ“ 30 მარტს, ექიმების საერთაშორისო დღეს, შოურუმში სამედიცინო სფეროს წარმომადგენლებს უმასპინძლა. ღონისძიებას საქართველოში მოქმედი სხვადასხვა დარგის ექიმები დაესწრნენ, რომლებსაც კომპანიამ პროფესიული დღე მიულოცა.
შეხვედრის მთავარი მიზანი ის საერთო ღირებულებები გახლდათ, რომლებიც „ვოლვოსა“ და ექიმებს აერთიანებთ - ადამიანის სიცოცხლე, ჯანმრთელობა და უსაფრთხოება.
ეკა კევლიშვილი, „ვოლვო ქარ კავკასიას“ მარკეტინგის მენეჯერი: „გვიხარია, რომ ვოლვოს გუნდის სახელით შესაძლებლობა გვქონდა, ექიმებისთვის პროფესიული დღე მიგველოცა. ჩვენი ბრენდისთვის ადამიანის სიცოცხლე, ისევე როგორც ამ პროფესიის წარმომადგენლებისთვის, უმნიშვნელოვანესია. ყველასთვის ცნობილია, რომ „ვოლვო“ შვედური ბრენდია, რომელიც უკვე 100 წელია, ნოვატორია უსაფრთხოების მიმართულებით და ცდილობს, მინიმუმამდე შეამციროს უბედური შემთხვევების რისკი. ამ ღირებულებებითა და ფასეულობებით ჩვენი ბრენდი ძალიან ახლოსაა ექიმებთან, რომლებიც ყოველდღიურად იბრძვიან ადამიანების სიცოცხლის გადასარჩენად. სწორედ ეს ყველაფერი აქცევს „ვოლვოს“ მსოფლიოში ექიმების საყვარელ ბრენდად და ჩვენც ძალიან კარგად გვესმის მათი პროფესიის სირთულეები და მნიშვნელობა, ამიტომ ყოველთვის გამოვიყენებთ შესაძლებლობას, მადლობა გადავუხადოთ იმ შრომისთვის, რომელსაც ისინი ყოველდღიურად ეწევიან“.
„ვოლვო ქარ საქართველოს“ შოურუმში მოწვეულ ექიმებს, შესაძლებლობა ჰქონდათ, ტესტდრაივზე ისეთი უახლესი მოდელები გამოეცადათ, როგორებიცაა: Volvo XC90, Volvo XC60 და Volvo EC40.
„ვოლვოს“ ყველა ტექნოლოგიური სიახლე ერთ მიზანს ემსახურება - მინიმუმამდე დავიდეს ავტოსაგზაო შემთხვევების რიცხვი და, მით უფრო, ფატალური შედეგების რაოდენობა. სწორედ Volvo XC90-ია ერთ-ერთი ყველაზე უსაფრთხო და საქართველოში გაყიდვადი მოდელი, რომელიც, სტატისტიკის მიხედვით, ერთ-ერთია იმ იშვიათ ავტომობილთა შორის, რომელთა ავტოსაგზაო შემთხვევაც ლეტალურად არასდროს დასრულებულა.
დავით ხარაბაძე, საქართველოს ეროვნული საფეხბურთო ნაკრების ექიმი: „ძალიან სიმბოლურია, რომ ექიმების საერთაშორისო დღეს „ვოლვოს“ შოურუმში სხვადასხვა დარგის ექიმები მოგვიწვიეს, რადგან ყველასათვის ცნობილია, რომ აღნიშნული ბრენდი მთავარ აქცენტს უსაფრთხოებაზე აკეთებს. „ვოლვოში“ ადამიანი ყველაზე დაცულად გრძნობს თავს. ჩვენთვის კი, როგორც ექიმებისთვის, სწორედ ადამიანის სიცოცხლე, ჯანმრთელობა და უსაფრთხოებაა ყველაზე მნიშვნელოვანი. მეც ამ დარგის წარმომადგენელი გახლავართ და სასიამოვნოა, რომ ისეთ დიდ ბრენდთან, როგორიც „ვოლვოა“, საერთო ღირებულებები გვაერთიანებს“.
„ვოლვო ქარ საქართველოს“ მულტიფუნქციურ სივრცეში სტუმრებს შესაძლებლობა ჰქონდათ, გასცნობოდნენ „ვოლვოს” ისტორიასა და ინოვაციებს, რომლებიც საგამოფენო კედელზე იყო წარმოდგენილი. მათ შორის იყო უსაფრთხოების სამწერტილოვანი ღვედი, რომელიც ადამიანების სიცოცხლესა და უსაფრთხოებაზე ზრუნვის მიზნით „ვოლვოს“ ინჟინერმა 1959 წელს შექმნა. უსაფრთხოების ღვედი „ვოლვომ“ განზრახ არ დააპატენტა და უსასყიდლოდ გადასცა სხვა ავტომწარმოებლებს, რათა მილიონობით ადამიანის სიცოცხლე გადაერჩინა. „ვოლვო“ მუდმივად ზრუნავს გარემოზეც და სწორედ მისი ინოვაციაა ლამბდა ზონდი, ბრმა ზონის მანიშნებელი და სხვა მრავალი. ასევე, „ვოლვოს“ მკვლევართა სპეციალური გუნდი ჰყავს, რომელიც შემთხვევის ადგილზე მიდის, ავარიის გამომწვევ მიზეზებს იკვლევს და შედეგების შესაბამისად ცდილობს, მეტი უსაფრთხოებისთვის ავტომობილის ტექნიკური მონაცემები გააუმჯობესოს.
---
„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია ,,ვოლვო ქარ კავკასია“ 2019 წლიდან ოპერირებს ბაზარზე და შვედური ბრენდის „ვოლვოს“ ოფიციალური იმპორტიორია ამიერკავკასიასა და შუა აზიაში. კომპანია პრემიუმ კლასის ავტომობილების ექსკლუზიური მომწოდებელია საქართველოში, უზბეკეთში, სომხეთსა და აზერბაიჯანში. „ვოლვო ქარ კავკასია“ მომხმარებელს SUV-ებს, სედანებსა და უნივერსალებს სთავაზობს. მათ შორის არის როგორც დამუხტვადი ჰიბრიდები, ისე შიგაწვის ძრავიანი უახლესი მოდელები. შოურუმის გარდა, მომხმარებელს შესაძლებლობა აქვს, კომპანიის ციფრული მაღაზიით ისარგებლოს, ვებგვერდზე ავტომობილი 360-გრადუსიანი სისტემით დისტანციურად შეაფასოს და კონფიგურატორის დახმარებით, სასურველი კომპლექტაციის მოდელის ააწყოს, რომლის ჩამოყვანასაც „ვოლვო ქარ კავკასია“ უზრუნველყოფს.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა