თეგეტა ეკოლოგიური ტრანსპორტის განვითარებისათვის - ჰოლდინგი ქვეყნის მასშტაბით უნივერსალურ ელექტროდამტენებს განათავსებს
საქართველო, თბილისი - 17:01 | 21.11.2023 ნანახია: 1732![](/img/uploads/news/prev/43381341.jpg)
- დასამუხტი სადგურების ქსელის გაფართოება ელექტრომობილების ფლობას მნიშვნელოვნად გაამარტივებს
- ელექტროდამტენების მონტაჟი „თეგეტამ“ მწვანე ემისიით გათვალისწინებული ვალდებულებების ფარგლებში დაიწყო.
„თეგეტა ჰოლდინგი“ თბილისსა და რეგიონებში ელექტრომობილების უნივერსალურ დასამუხტ სადგურებს განათავსებს. ჰოლდინგის მსუბუქი ავტომობილების მიმართულება „თეგეტა ქარსი“, ჯამში, 70-მდე დამტენს მთელი ქვეყნის მასშტაბით დაამონტაჟებს, რომლებიც ნებისმიერი ბრენდის ელექტრომობილის მფლობელისათვის იქნება ხელმისაწვდომი.
პროცესი დედაქალაქიდან დაიწყება. უკვე შერჩეულია 15-მდე ლოკაცია. პირველ ეტაპზე ელექტრომოწყობილობები ცენტრალურ და ყველაზე დატვირთულ უბნებში განთავსდება - იქ, სადაც მოთხოვნა განსაკუთრებით დიდია.
პეტრე წაქაძე, „თეგეტა ქარსის“ დირექტორი: „თეგეტა“, როგორც ფლაგმანი საავტომობილო სფეროში, უკვე წლებია ხელს უწყობს ელექტრომობილების პოპულარიზაციას არა მხოლოდ საქართველოს, არამედ რეგიონის მასშტაბით. ამის განხორციელება მხოლოდ შესაბამისი ინფრასტრუქტურის მოწყობით არის შესაძლებელი. „თეგეტას“, როგორც პასუხისმგებლობიან კომპანიას, თავისი წვლილი შეაქვს დასამუხტი სადგურების ქსელის გაფართოებაში. შედეგად, მარტივდება და უფრო მიმზიდველი ხდება ელექტრომობილის ფლობა. გარემოზე ზრუნვის პრინციპით შექმნილი საავტომობილო სეგმენტის განვითარება კი, თავის მხრივ, ეკოლოგიურ გამოწვევებთან გამკლავების ერთ-ერთი მნიშვნელოვანი ფაქტორია“.
ელექტრომობილებისათვის საჭირო ინფრასტრუქტურა ფართო მოხმარებისათვის იქნება განკუთვნილი, რაც იმას ნიშნავს, რომ დასამუხტი სადგურებით ისარგებლებს ნებისმიერი მსურველი ქვეყნის ნებისმიერ წერტილში. შედეგად, ელექტრომობილების მფლობელები მათთვის სასურველი დისტანციის დაფარვას შეუფერხებლად შეძლებენ.
საგანგებოდ შერჩეულ ლოკაციებთან ერთად, ელექტრომოწყობილობები დამონტაჟდება „თეგეტას“ მომსახურების ცენტრებშიც, რომლებიც მთელ საქართველოს ფარავს. 28-ვე ფილიალი სწრაფი და სტანდარტული დამტენებით აღიჭურვება. სახელმწიფოებრივი მნიშვნელობის ავტომაგისტრალებზე კი 100-კილოვატიანი სწრაფი დასამუხტი სადგურები დამონტაჟდება. ამასთანავე, „თეგეტა ჰოლდინგი“ მზად არის, ითანამშრომლოს კერძო კომპანიებთან, რომლებსაც სურთ, დამტენები თავიანთი ბიზნესობიექტების ტერიტორიაზე განათავსონ, და სრულიად უსასყიდლოდ უზრუნველყოს, დამტენების სტრატეგიულ ობიექტებზე დამონტაჟება.
ნიკოლოზ თევზაძე, „თეგეტა ქარსის“ E Performance სპეციალისტი: „წამყვანი საავტომობილო ბრენდები უკვე აქტიურად გადადიან ელექტრიფიცირებული ავტომობილების წარმოებაზე. რამდენიმე წელიწადში გვექნება სრულიად ახალი მოცემულობა, როდესაც ბაზარზე მხოლოდ ელექტრომობილები იქნება. ამიტომაც არის ასე მნიშვნელოვანი საჭირო ინფრასტრუქტურის განვითარება. ამ მიმართულებით „თეგეტა“ უკვე დიდი ხანია მუშაობს და დამტენების ქსელს სულ უფრო აფართოებს. ასევე მეტი სიმარტივისათვის „თეგეტა“ შესაბამის აპლიკაციაზეც მუშაობს, რომლის დახმარებითაც მოქალაქეები დასამუხტი სადგურებით ისარგებლებენ“.
პროექტს საავტომობილო სფეროს ლიდერი კომპანია მწვანე ემისიის ფარგლებში ახორციელებს. დამტენების მონტაჟის ვალდებულება ერთ-ერთია იმ მწვანე ინიციატივებს შორის, რომელიც „თეგეტა ჰოლდინგის“ მწვანე ობლიგაციების ემისიის პროსპექტით არის გათვალისწინებული. დასამუხტი სადგურების მონტაჟის გარდა, ჰოლდინგმა მსუბუქი, სამგზავრო და სხვა ტიპის ელექტრიფიცირებული ტრანსპორტის იმპორტი და რეალიზაციაც უნდა განახორციელოს.
ეკოლოგიური ტრანსპორტის სეგმენტის განვითარების მიმართულებით „თეგეტას“ უკვე დიდი გამოცდილება აქვს - ერთი მხრივ, თავის ჰოლდინგში შემავალ კომპანიებთან ერთად, ჰოლდინგი წლებია ცდილობს, ხელი შეუწყოს ელექტრომობილების პოპულარიზაციას ქვეყანაში და მეორე მხრივ, მისი მფლობელებისათვის კომფორტულ გარემოს ქმნის. ამის დასტურია ის 50-მდე დამტენი, რომლებიც კომპანიამ ბოლო წლების განმავლობაში თბილისსა და საქართველოს სხვადასხვა რეგიონში განათავსა. ეს ინიციატივები მკაფიოდ გამოხატავს კომპანიის პოზიციას ეკოლოგიურად სუფთა გარემოს შექმნის შესახებ.
--
„თეგეტა ჰოლდინგის“ შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე, კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას“ 28 სერვისცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. „თეგეტა“ ექსკლუზიურად წარმოადგენს ცნობილ ბრენდებს Porsche, Volvo, Toyota, Mazda. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB და სხვები. „თეგეტა“ მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. მათ შორის, Bridgestone, Michelin, Varta, Bosch, Shell, Motul, Pirelli და სხვები. „თეგეტა ჰოლდინგი“, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.
პოლიტიკა
- გუშინდელი მოსმენა აშშ-ის კონგრესის საგარეო ურთიერთობათა კომიტეტში, არის განაჩენი ივანიშვილის პარტიისთვის - თინა ბოკუჩავა
- ჩვენ გვინდა, ამერიკელ პარტნიორებს შევთავაზოთ ურთიერთობების გადატვირთვა, ამ ფონზე, კონტრპროდუქტიულია განცხადებები, რომლებიც საქართველოსთან დაკავშირებით კონგრესში გაკეთდა - ირაკლი კობახიძე
- 26 ოქტომბრის არჩევნები იქნება რეფერენდუმი ომსა და მშვიდობას, ლიბერალურ ფაშიზმსა და ტრადიციულ ფასეულობებს, ბნელ წარსულსა და ნათელ, ევროპულ მომავალს შორის - ირაკლი კობახიძე
- ივანიშვილის პროპაგანდა თითქოს დონალდ ტრამპის პრეზიდენტად არჩევის შემთხვევაში, აშშ-სთან ურთიერთობის აღდგენას, არის მტკნარი სიცრუე და ქართველი ხალხის მოტყუების მცდელობა - თინა ბოკუჩავა
საზოგადოება
- ზაქარიას პატარა მანქანა დიდი საქმეებისთვის - მხარდასაჭერ კამპანიას „თეგეტა ჰოლდინგი“ შეუერთდა
- 26 ივლისამდე საქართველოს ცალკეულ რაიონებში დროგამოშვებით წვიმიანი ამინდია მოსალოდნელი
- დაზუსტებული მონაცემებით, საქართველოში მიწისძვრის სიმძლავრემ 4.9 მაგნიტუდა შეადგინა
- „ტოიოტა ცენტრი ბათუმი“ გემის მომავალ კაპიტანს ლიზი ქავთარაძეს სწავლას დაუფინანსებს
სამართალი
- გამოძიება მიმდინარეობს უკრაინაში მყოფი საქართველოს ხელისუფლების ყოფილი მაღალჩინოსნების ორგანიზებითა და დაფინანსებით, დანაშაულებრივი ქმედებების, მათ შორის, ბიძინა ივანიშვილის მკვლელობის მომზადების ფაქტებზე - სუს-ი
- ბათუმში, მშენებლობაზე დასაქმებული 17 წლის ბიჭი სიმაღლიდან გადავარდა და დაიღუპა
- შსს-მ ნარკოდანაშაულისთვის 24 პირი დააკავა, მათ შორის 11 ნარკორეალიზატორია
- ვალეში, წყლის ჭაში სამუშაოების შესრულებისას წყალმომარაგების კომპანიის თანამშრომელი დაიღუპა
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- პარიზის ზაფხულის ოლიმპიადაზე 28 ქართველი სპორტსმენი იასპარეზებს
- ზურიკო დავითაშვილი ტექნიკური მოთამაშეა და ჩვენი გუნდისთვის მნიშვნელოვანი შენაძენია - „სენტ-ეტიენის“ მთავარი მწვრთნელი
- UEFA-მ თურქეთის ნაკრების ფეხბურთელის, მერიჰ დემირალის ჟესტის გამო გამოძიება დაიწყო
- გიორგი მამარდაშვილი მოგერიებული ბურთების რაოდენობით ევრო 2024-ის საუკეთესო მეკარეა