„ქალები, რომლებიც არ არსებობენ“ - „ტოიოტა ცენტრი თეგეტას“ მხარდაჭერით ჩატარებულმა კამპანიამ Ad Black Sea-ზე ორი ოქროს ჯილდო მიიღო
საქართველო, თბილისი - 16:47 | 20.09.2023 ნანახია: 898კრეატივის საერთაშორისო ფესტივალ Ad Black Sea-ზე - „ტოიოტა ცენტრი თეგეტას“ მიერ მხარდაჭერილმა კამპანიამ 2 ოქროს, 1 ვერცხლისა და 1 ბრინჯაოს ჯილდო მოიგო. პროექტი „ქალები, რომლებიც არ არსებობენ“ გაეროს ქალთა ორგანიზაციის ინიციატივით განხორციელდა და მისი მიზანი იმ გენდერული სტერეოტიპების შესახებ ცნობიერების ამაღლებაა, რომლებსაც საქართველოში ქალები პროფესიის არჩევისას აწყდებიან. კამპანიის იდეისა და შესრულების ავტორი კრეატიული სააგენტო Watergunz-ია.
კრეატივის საერთაშორისო ფესტივალი Ad Black Sea ყოველწლიურად იმართება. წელს გამარჯვებულები 13 კატეგორიაში გამოვლინდნენ. ნამუშევრებს საერთაშორისო ჟიურის ოთხი გუნდი აფასებდა.
4 ჯილდოს მფლობელი კამპანია - „ქალები, რომლებიც არ არსებობენ“ იმ ქალებს ეძღვნებათ, რომლებმაც პროფესიულ ოცნებაზე უარი თქვეს. კამპანია მიზნად ისახავს, მხარი დაუჭიროს ახალგაზრდებს, რომლებიც პროფესიას ახლა ირჩევენ და ამ პროცესში გენდერული სტერეოტიპები ხელს უშლით.
თეა მანჯავიძე, „ტოიოტა ცენტრი თეგეტას“ მარკეტინგის მენეჯერი: „ტოიოტა ცენტრი თეგეტასთვის ქალთა გაძლიერება და გენდერული თანასწორობა ერთ-ერთი პრიორიტეტული მიმართულებაა. სწორედ ამიტომ ჩვენთვის ძალიან მნიშვნელოვანი იყო ამ კამპანიის მხარდაჭერა. საქართველოში ქალების პროფესიული არჩევანი გენდერული სტერეოტიპებით ხშირად იზღუდება, საზოგადოება კი პროფესიებს კვლავაც კაცისა და ქალის საქმეებად ყოფს. ამ სტერეოტიპებიდან გამომდინარე, ბევრმა ქალმა ვერ მოახერხა საკუთარი თავის რეალიზება იმ პროფესიაში, რომელშიც სურდა. კამპანიის მხარდაჭერით, გვინდოდა, გვეთქვა, რომ პროფესიას არ აქვს გენდერი და ქალებს უპირობოდ უნდა ჰქონდეთ პროფესიული არჩევანის შეუზღუდავი შესაძლებლობა – იქნება ეს მექანიკოსობა თუ მფრინავობა“.
„ტოიოტა ცენტრი თეგეტა“ აქტიურად არის ჩართული ქალთა გაძლიერების სხვადასხვა პროექტში. 2022 წელს კომპანია „გაეროს ქალთა გაძლიერების პრინციპების“ ხელმომწერი გახდა, რითაც დაადასტურა მზაობა, თავისი საქმიანობით წვლილი შეიტანოს ძალადობის მსხვერპლი ქალების სოციალური რეინტეგრაციის პროცესში, იზრუნოს ქალთა მხარდაჭერაზე და სამუშაო სივრცეში ქალთა და მამაკაცთა უფლებების თანაბარ დაცვაზე.
თეა მანჯავიძე, „ტოიოტა ცენტრი თეგეტას“ მარკეტინგის მენეჯერი: „ქალები, რომლებიც არ არსებობენ“, ცხადია, არ არის პირველი კამპანია, რომელიც „ტოიოტა ცენტრი თეგეტას“ მხარდაჭერით გაიმართა. ჩვენ ძალიან აქტიურად ვართ ჩართულები პროექტებში, რომლებიც ქალთა როლის გაძლიერებისკენ არის მიმართული და ამ თემაზე არაერთი აქტივობა გვაქვს განხორციელებული, მათ შორის, კამპანია „ქალი საჭესთან“. აქვე აღვნიშნავ, რომ მხარი დავუჭირეთ ქალ ოფროუდერს, რომელმაც დაახლოებით 40 წლის ასაკში ისწავლა მანქანის მართვა და ძალიან დიდ წარმატებას მიაღწია ამ სფეროში. გასულ თვეს ჭიათურის რეგიონში შევხვდით ახალგაზრდა გოგონებს, რომელთაც სტერეოტიპებზე ვესაუბრეთ და კიდევ ერთხელ ავუხსენით, რომ პროფესიის არჩევისას მნიშვნელობა არ აქვს სქესს და თავიანთი მიზნებისკენ მტკიცედ უნდა იარონ. ეს არის მცირე ჩამონათვალი იმ აქტივობებისა, რომლებიც ქალთა გაძლიერების კუთხით განვახორციელეთ და, ცხადია, მომავალშიც გავაგრძელებთ ამ მიმართულებით მუშაობას“.
კამპანია „ქალები, რომლებიც არ არსებობენ“ რამდენიმე ნაწილს მოიცავდა. თბილისის ქუჩებში განთავსებული საინფორმაციო დაფები საზოგადოებას სიმბოლურად იმ არარსებული ქალების შესახებ ახსენებდა, რომელთა პროფესიული ოცნებებიც, გავრცელებული სტერეოტიპების გამო, ვერ ასრულდა.
--
„ტოიოტა ცენტრი თეგეტა" „თეგეტა ჰოლდინგის" შვილობილი კომპანიაა და საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად ტოიოტას ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.
პოლიტიკა
- მივმართავ საჯარო მოხელეებს, პოლიციელებს, ყველას, ვინც ემსახურება ქართულ სახელმწიფოს, მჯერა, თქვენ არ გახდებით არჩევნების გაყალბების ინსტრუმენტი ივანიშვილის ხელში და დადგებით ქართველი ხალხის გვერდით - თინა ბოკუჩავა
- საპარლამენტო არჩევნები წარმოადგენს კრემლის შესაძლებლობას შეაფერხოს საქართველოს ევროატლანტიკური ინტეგრაციის მცდელობები და აღადგინოს რუსული გავლენა - ISW
- წითელი ხალიჩებით დახვდებოდნენ საქართველოს ნებისმიერ თანამდებობის პირს, რუსეთისთვის სანქციები რომ დაგვეწესებინა, დახურულ კაბინეტებში შეხვედრებზე სულ ამას გვთხოვდნენ - შალვა პაპუაშვილი
- ვაღიარებთ ქართველი ხალხის სურვილს ევროინტეგრაციისკენ და მზად ვართ, გავატაროთ აშშ-ის პოლიტიკა, რომელიც მხარს დაუჭერს მათ შესაძლებლობას, მიაღწიონ ამას - ჯიმ რიში
საზოგადოება
- 25-დან 27 ოქტომბრამდე საქართველოში დროგამოშვებით ნალექიანი ამინდი იქნება
- Rally Adventure Georgia-ს მეორე ადგილი ეკიპაჟ #52-ს ერგო - გუნდის მხარდამჭერი კვლავ „თეგეტა ჰოლდინგია“
- "თეგეტა აკადემიის" ბათუმისა და ფოთის ფილიალები სწავლის დასაწყებად მზადაა
- რუსთაველი - მთაწმინდის დამაკავშირებელი საბაგირო გზა გაიხსნა
მსოფლიო
- ანტონიო გუტერეში რუსეთში BRICS-ის სამიტზე დასასწრებად ჩავიდა
- ლოიდ ოსტინი მოულოდნელი ვიზიტით კიევში ჩავიდა
- მოლდოვაში საპრეზიდენტო არჩევნების მეორე ტური 3 ნოემბერს გაიმართება
- ტოკიოში დააკავეს კაცი, რომელმაც “მოლოტოვის კოქტეილები” ესროლა მმართველი პარტიის ოფისს და შემდეგ ავტომობილით პრემიერის რეზიდენციაში შეჭრა სცადა
კონფლიქტები
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
ბიზნესი
- ATE, TRW, Bosch - პრემიუმ ბრენდების სამუხრუჭე სისტემები „თეგეტა მოტორსში“
- „ტოიოტა ცენტრი ბათუმმა“ მომხმარებელს მეცხრე თაობის Camry წარუდგინა
- VARTA - საიმედო, ენერგოეფექტური და ეკოლოგიურად სუფთა აკუმულატორები „თეგეტა მოტორსისგან“
- "ვოლვო ქარ საქართველოს" მექანიკოსი საერთაშორისო კონკურსის - Vista Competition 2024-ის გამარჯვებულია
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს
- გურამ თუშიშვილმა მეოთხედფინალში ტედი რინერთან დამარცხების შემდეგ დისკვალიფიკაცია მიიღო და ასპარეზობიდან მოიხსნა