იმპიჩმენტთან დაკავშირებით „ქართული ოცნების“ ნაბიჯი სრულ თანხვედრაშია რუსეთის ხელისუფლების ინტერესებთან - ბადრი ჯაფარიძე

საქართველო, თბილისი - 13:22 | 04.09.2023
ნანახია: 1029

პრეზიდენტის იმპიჩმენტთან დაკავშირებით „ქართული ოცნების“  ნაბიჯი სრულ თანხვედრაშია რუსეთის ხელისუფლების ინტერესებთან და ჩვენი ქვეყნის ევროპული პერსპექტივის დაზიანებას ემსახურება, – ამის შესახებ პარტია „ლელოს“ წევრმა, ბადრი ჯაფარიძემ განაცხადა.

„ქართული ოცნების“ მიერ წამოწყებული ავანტიურა, რომელსაც საქართველოს პრეზიდენტის იმპიჩმენტის დაწყება ჰქვია, სრულ თანხვედრაშია რუსეთის ხელისუფლების ინტერესებთან, რამდენადაც ცნობილია, რომ რუსეთის ხელისუფლების წარმომადგენლები უარყოფითად არიან განწყობილი სალომე ზურაბიშვილის მოქმედებებისადმი, მისი ძალისხმევისადმი, ქვეყანამ არ დაკარგოს უნიკალური შანსი, მიიღოს ევროკავშირის წევრობის კანდიდატი სტატუსი. ამიტომ, „ქართული ოცნების“ მიერ გადადგმული ნაბიჯი სრულ თანხვედრაშია რუსეთის ხელისუფლების ინტერესებთან და ჩვენი ქვეყნის ევროპული პერსპექტივის დაზიანებას, ასევე სალომე ზურაბიშვილის ძალისხმევის დაზიანებას ემსახურება, რომელიც მიმართულია საქართველოს მიერ წლის ბოლომდე ევროკავშირის კანდიდატი ქვეყნის სტატუსის მიღებასთან“, – განაცხადა ბადრი ჯაფარიძემ.




არქივი

მოგვძებნე Facebook-ზე