სპეციალური საგამოძიებო სამსახური გოგა რაზმაძის საქმესთან დაკავშირებით განცხადებას ავრცელებს
საქართველო, თბილისი - 18:37 | 28.07.2023 ნანახია: 3146სპეციალური საგამოძიებო სამსახური გოგა რაზმაძის საქმესთან დაკავშირებით განცხადებას ავრცელებს.
„გვსურს, განმარტება გავაკეთოთ გოგა რაზმაძის მიერ სპეციალურ საგამოძიებო სამსახურში შემოსულ განცხადებასთან დაკავშირებით, რომელიც შინაგან საქმეთა სამინისტროს თანამშრომლების ცალკეულ ქმედებებს ეხებოდა.
შემოსულ განცხადებაზე რეაგირების მიზნით, სპეციალურ საგამოძიებო სამსახურში დაბარებულ იქნა გოგა რაზმაძე, რომელმაც უწყებაში, ადვოკატთან ერთად გამოცხადებისას, განცხადებაში მოყვანილი გარემოებების თაობაზე განმარტებების გაკეთება და გასაუბრებაში მონაწილეობის მიღება არ ისურვა.
იმ პირობებში, როდესაც განცხადებაში მოყვანილი გარემოებები საჭიროებდა დაზუსტებას და განმცხადებელმა უარი თქვა გამოძიებასთან თანამშრომლობაზე, უწყებამ განცხადების იმ შინაარსით იხელმძღვანელა, რომელიც წარმოდგენილი იყო და დანაშაულის ნიშნების არარსებობის გამო გამოძიება არ დაიწყო.
ვინაიდან განცხადება შეიცავდა შინაგან საქმეთა სამინისტროს ცალკეული თანამშრომლების მხრიდან გოგა რაზმაძის მიმართ შესაძლო არაეთიკური და დისციპლინური გადაცდომების ნიშნებს, იგი არა დანაშაულზე რეაგირების, არამედ სწორედ დისციპლინური წარმოების ფარგლებში გადაეგზავნა შსს გენერალური ინსპექციის უფროსს, რომელიც კანონით ერთადერთი უფლებამოსილი უწყებაა, შეისწავლოს შინაგან საქმეთა სამინისტროს თანამშრომლების შესაძლო არაეთიკური, დისციპლინური გადაცდომები.
დანაშაულის ნიშნების არარსებობის დროს, დისციპლინური გადაცდომების შესასწავლად განცხადების გენერალურ ინსპექციაში გადაგზავნა გათვალისწინებულია მოქმედი კანონმდებლობით. ამ წესს იცავს საგამოძიებო სამსახური 2019 წლიდან მოყოლებული. კერძოდ, 2021 წელს სახელმწიფო ინსპექტორის სამსახურის მიერ შინაგან საქმეთა სამინისტროს გენერალურ ინსპექციაში რეაგირებისთვის გადაგზავნილია 191 კორესპონდენცია. 2022 წელს სპეციალური საგამოძიებო სამსახურიდან ამავე უწყებას გადაეგზავნა 179 კორესპონდენცია.
რაც შეეხება შემოსულ განცხადებასთან დაკავშირებით საგამოძიებო ორგანოში განმცხადებელთან გასაუბრებას, იგი მიღებული პრაქტიკაა საგამოძიებო ორგანოების საქმიანობაში და ეს პროცესი განმცხადებელთან გასაუბრების გარდა არ შემოიფარგლება სხვა რაიმე მოქმედებით. განმცხადებელთან გასაუბრება კი ემსახურება იმ სამართლებრივ მიზნებს, რომ გონივრულ დროში მისი უზრუნველყოფის შემთხვევაში, გამომძიებელმა სწორად შეაფასოს შესაძლო დანაშაული, სწორად იქნას განსაზღვრული ქმედების კვალიფიკაცია და საგამოძიებო ქვემდებარეობა.
ზემოხსენებული სამართლებრივი მიზნებიდან გამომდინარე, წლების მანძილზე გასაუბრების პრაქტიკას იყენებდა სახელმწიფო ინსპექტორის სამსახური და მას გონივრულობის ფარგლებში იყენებს სპეციალური საგამოძიებო სამსახური. უფრო მეტი სიცხადისთვის და თვალსაჩინოებისთვის, 2020 წელს სახელმწიფო ინსპექტორის სამსახური გამოძიების დაწყებამდე გაესაუბრა 2157 სავარაუდო მსხვერპლს, 2021 წელს - 2650 სავარაუდო მსხვერპლს. სპეციალური საგამოძიებო სამსახური 2022 წელს არასათანადო მოპყრობის შესაძლო ფაქტებთან დაკავშირებით გაესაუბრა 1623 სავარაუდო მსხვერპლს.
საზოგადოებისთვის ცნობილია, რომ სპეციალური საგამოძიებო სამსახური სავარაუდო მსხვერპლთან ეფექტური თანამშრომლობის მექანიზმის დასამკვიდრებლად მნიშვნელოვან პროექტებს ახორციელებს, რომლის შედეგადაც სრულად არის უზრუნველყოფილი მსხვერპლთა ჩართვა საგამოძიებო პროცესში. კერძოდ, პირველივე დღიდან გასაცნობად ხელმისაწვდომია საქმის მასალები, ასევე ხდება დაცვის ღონისძიებების გამოყენების შეთავაზება“, - ნათქვამია განცხადებაში.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა