მინდა გამოვხატო ჩემი პირადი აღფრთოვანება პრეზიდენტ ზელენსკისა და უკრაინელი ხალხის მიმართ - სალომე ზურაბიშვილი

საქართველო, თბილისი - 18:06 | 31.05.2023
ნანახია: 462

მინდა აქ გამოვხატო ჩემი პირადი აღფრთოვანება პრეზიდენტ ზელენსკისა და უკრაინელი ხალხის მიმართ. მე მჯერა, რომ უახლოეს მომავალში ორივე ქვეყანას ეყოლება თავისი წარმომადგენლები ამ დარბაზში, - ამის შესახებ საქართველოს პრეზიდენტმა, სალომე ზურაბიშვილმა ევროპარლამენტში სიტყვით გამოსვლისას განაცხადა.

"მინდა აქ გამოვხატო ქართველი ხალხის მხარდაჭერა უკრაინის მოსახლეობის მიმართ. ჩვენ ვიცით, რომ უკრაინა არა მხოლოდ თავის ტერიტორიას იცავს, ის სისხლს ღვრის ყველა ჩვენგანისთვის, ევროპისთვის, მისი უსაფრთხოებისთვის, საქართველოსთვის და მისი უსაფრთხოებისთვის და მინდა აქ გამოვხატო ჩემი პირადი აღფრთოვანება პრეზიდენტ ზელენსკისა და უკრაინელი ხალხის მიმართ. მე მჯერა, რომ უახლოეს მომავალში ორივე ქვეყანას ეყოლება თავისი წარმომადგენლები ამ დარბაზში", - თქვა სალომე ზურაბიშვილმა.

ამასთან, მან ევროპულ მისწრაფებებზეც ისაუბრა.

“ეს არის ის ფასეულობები, რომელსაც ჩვენ ევროპასთან ვიზიარებთ.  ეს იყო ბერძნული და რომაული ცივილიზაცია, რომელმაც დატოვა ძალიან დიდი კვალი ჩვენ მითოლოგიაში. ქრისტიანობა იყო ჩვენი იდენტობის ნაწილი, როგორც ერისა, საქართველო საუკუნეების განმავლობაში იბრძოდა, რათა შეენარჩუნებინა თავის იდენტობა. ასევე, ჩვენ ყოველთვის ვიყავით ქრისტიანული ავანპოსტი ამ ევროპულ ტერიტორიაზე. ეს იყო იგივე ევროპული ფასეულობები, რომლებიც იყო საქართველოში, - განაცხადა სალომე ზურაბიშვილმა.




არქივი

მოგვძებნე Facebook-ზე