„Art-გენი“ „ახალ საირმეში“
საქართველო, თბილისი - 18:21 | 22.05.2023 ნანახია: 439„Art-გენი ჯგუფი ახალი საირმისთვის“ - ამ სახელითა და იდეით გამართულ აქცია-კონცერტებს 19, 20 მაისს სასტუმრო „ახალმა საირმემ“ უმასპინძლა. ქართული ფოლკლორისა და თვითშემოქმედების ფესტივალი საირმეში კურორტის პოპულარიზაციასა და მხარდაჭერას მიეძღვნა.
საფესტივალო დღე სასტუმრო „ახალი საირმეში“ ღვინის, კულინარიისა და ადგილობრივი წარმოების გამოფენა-გაყიდვით გაიხსნა. გარე სივრცეში წარმოდგენილი იყო მინანქრისა და ვერცხლის ნაკეთობები, ბავშვების ნამუშევრები, ნაქსოვი თოჯინები, ახალგაზრდა ქუთაისელი მხატვრის ირაკლი სვანიძის ფერწერული ტილოები, ქუთაისელი ფოტოგრაფის გიორგი კოკელაძის ფოტოების გამოფენა, თოკით მოწნული სუვენირები და ასევე, გობელენისა და თექის ნამუშევრები.
რეგიონის ფოლკლორული ანსამბლებისა და შემსრულებლების გაცნობის შემდეგ „Art-გენის“ ერთგულ მსმენელებს საშუალება ჰქონდათ, ჯადოსნურ გარემოში საყვარელ ჯგუფებს შეხვედროდნენ. საფესტივალო დღე „ჩვენებურების“, GAGA FRANI-ს, „REGGAEON“-ის, ნიაზ დიასამიძისა და „33ა“-ს ერთობლივმა კონცერტმა დაასრულა.
სოლომონ გოგაშვილი - ფესტივალ „Art-გენის“ ორგანიზატორი, ბენდი „ჩვენებურები“: „ვფიქრობ დღევანდელი დღე შედგა - ძალიან კმაყოფილი ვარ როგორც კონცერტით, ასევე აუდიტორიით. განსაკუთრებული მუხტი მოდიოდა მათგან. საირმეში ისეთი გარემოა, შეუძლებელია, ადამიანი არ დატკბეს, პირველ რიგში, ბუნებით და შემდეგ ასეთი არაჩვეულებრივი მუსიკით. ძალიან სასიამოვნო საღამო შედგა და ვფიქრობ, ერთგვარ ტრადიციად შეიძლება ვაქციოთ „Art-გენისა“ და „ახალი საირმის“ ერთობლივი შეთავაზება სპეციალურად საირმის სტუმრებისთვის“.
GAGA FRANI - ფესტივალ „Art-გენის“ ორგანიზატორი: „ფესტივალისთვის დამახასიათებელი ნიშაა სხვადასხვა ადგილებში მოგზაურობა და ექსპედიციები ახალი სახეების, ოჯახების ან ძველისა და მიკარგულის აღმოჩენისთვის. თუმცა საირმეში აქამდე არ ვყოფილვართ. ეს რაიონი ძალიან დიდი ფოლკლორული კულტურით გამოირჩევა. რეწვით დაწყებული, მუსიკითა და ცეკვით დასრულებული ძალიან სავსე კუთხეა. საინტერესო და დასამახსოვრებელი დღე გამოვიდა - თითქოს ყველაფერი დაგეგმილი, მაგრამ სპონტანურობით სავსე და ბუნებასთან შერწყმული. „33ა“ წვიმაში რომ წვიმას უმღერის, სიყვარულს ქადაგებს და დღე ამით რომ სრულდება, ძალიან დიდი ბედნიერებაა“.
ფოლკლორის, ქართული რეწვისა და თანამედროვე, საავტორო ცოცხალი მუსიკის პოპულარიზაციის გარდა, ფესტივალი განსაკუთრებულ მნიშვნელობას ანიჭებს რეგიონულ განვითარებასა და ქვეყნისთვის მნიშვნელოვანი ტურისტული ადგილების პოპულარიზაციას. „Art-გენი“ სასტუმრო „ახალ საირმეში“ წელს პირველად გაიმართა და როგორც მოსალოდნელი იყო, ბაღდათისა და ქუთაისის რაიონებიდან სხვადასხვა თაობის საინტერესო შემოქმედი აღმოაჩინა. მიუხედავად წვიმიანი ამინდისა, გამორჩეული ქართველი მუსიკოსების მოსასმენად აქცია-კონცერტზე 400-ამდე სტუმარი შეიკრიბა.
დავით ბეროზაშვილი - სასტუმრო „ახალი საირმის“ გაყიდვებისა და მარკეტინგის დირექტორი: „ჩვენთვის ძალიან სასიხარულოა, რომ მოგვეცა შესაძლებლობა გვემასპინძლა „Art-გენისათვის“, რომელიც ნამდვილი ქართული მუსიკალური და შემოქმედებითი დღესასწაულია. ეს ჩვენთვის პირველი მასშტაბური ფესტივალი იყო და მიხარია, რომ ახალი საირმის გუნდი მოწოდების სიმაღლეზე იდგა. რაც მთავარია, მიუხედავად წვიმისა, ფესტივალმა შესანიშნავად ჩაიარა - ძალიან ბევრ საინტერესო შემოქმედთან, ასევე პოზიტიურ და გახარებულ მსმენელთან ერთად“.
ქართული ფოლკლორისა და თვითშემოქმედების ფესტივალი „Art-გენი“ წელს უწყვეტი არსებობის 20 წლის იუბილეს აღნიშნავს. ფესტივალი რეგიონული ტურნეს შემდეგ, ივლისის ბოლოს, ტრადიციულად თბილისში, ეთნოგრაფიულ მუზეუმში დასრულდება.
პოლიტიკა
- კრიმინალები გვარამია და მელია უცხოეთიდან ჩარევის შედეგად არიან გარეთ, კინო წინ არის, ისინი იქნებიან იმ დავალების შემსრულებლები, რასაც ჰქვია ქვეყანაში სიტუაციის არევა - პაპუაშვილი
- გუშინ, შვიდკაციანი კოლონა რომ მოდიოდა, იქაც კი დაჩაგრეს ხაბეიშვილი, რა ვუშველო, არ ვიცი, არც იქანა უნდათ, არც აქანა მიიღეს, იქაც უკან მოჩანჩალებდა - ირაკლი ზარქუა
- ვერანაირი საპარლამენტო არჩევნები ვერ იქნება აღიარებული დემოკრატიულ არჩევნებად, თუ მიხეილ სააკაშვილი არ იქნება თავისუფალი და არ იქნება კამპანიაში ჩართული - პეტრე ცისკარიშვილი
- საქართველო მზად არის, დადებითი როლი შეასრულოს იმ პროცესებში, რომლებიც უკავშირდება ჩვენს რეგიონში მშვიდობისა და სტაბილურობის უზრუნველყოფას - ირაკლი კობახიძე
საზოგადოება
- საქართველოს ფოსტის ორგანიზებითა და თბილისის სახელმწიფო უნივერსიტეტის მხარდაჭერით, გაიმართა გამოფენა „ქართული განათლება, კულტურა და საფოსტო მარკები“
- თბილისის ერთ-ერთ სკოლაში წიწაკის სპრეი გაუშვეს, რამდენიმე მოსწავლე პრევენციის მიზნით კლინიკაში გადაიყვანეს
- ზრუნვის 1 საათი დედამიწას - „თეგეტა“ გარემოსდაცვით აქტივობას „დედამიწის საათს“ შეუერთდა
- 26 მარტიდან 27 მარტის დილამდე საქართველოში მოსალოდნელია წვიმა, მაღალმთაში ზოგან ძლიერი თოვა და ქარბუქი
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
- კიევზე სარაკეტო იერიში განხორციელდა
კონფლიქტები
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
- სახალხო დამცველის ინსტიტუტის მხრიდან, ამას შეფასება ვერ მოჰყვება, რადგან არ შედის იმ ტიპის საკითხებში, რომლებზეც ჩვენ ვაკეთებთ კომენტარს - ლევან იოსელიანი პრეზიდენტის იმპიჩმენტზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა