პოლონეთის განცხადებით, ბელარუსს ახალი სანქციები ელოდება რუსეთის გეგმების გამო, განათავსოს მის ტერიტორიაზე ტაქტიკური ბირთვული იარაღი

საქართველო, თბილისი - 18:57 | 28.03.2023
ნანახია: 541

ბელარუსს ახალი სანქციები ელოდება რუსეთის გეგმების გამო, განათავსოს მის ტერიტორიაზე ტაქტიკური ბირთვული იარაღი. ამის შესახებ პოლონეთის პრემიერ-მინისტრმა მატეუშ მორავიეცკიმ განაცხადა.  

25 მარტს რუსეთის პრეზიდენტმა ვლადიმირ პუტინმა განაცხადა, რომ რუსეთი გეგმავს ბელარუსის ტერიტორიაზე ტაქტიკური ბირთვული იარაღის განთავსებას. მისი სიტყვებით, ამის შესახებ ის ალექსანდრ ლუკაშენკასთან ერთად შეთანხმდა.

„რუსეთის მიერ გადადგმული აღნიშნული ნაბიჯი ბელარუსში ბირთვული იარაღის განთავსების შესახებ, გამოიწვევს დამატებითი სანქციების გამოცხადებას. სანქციები ლუკაშენკას რეჟიმისთვის გაცილებით მკაცრი იქნება“, - განაცხადა მორავიეცკიმ.

სამხედრო ანალიტიკოსების აზრით, ბელარუსში რუსული ტაქტიკური ბირთვული იარაღის განთავსება - დიდი ნაბიჯია უკრაინაში კონფლიქტის ესკალაციისკენ. რუსეთ-უკრაინის ომის განმავლობაში პუტინმა არაერთხელ ახსენა ბირთვული იარაღი, თუმცა კონკრეტული ფაქტობრივი ნაბიჯი მან მხოლოდ ერთხემ განახორციელა, როდესაც განაცხადა სტრატეგიული შეიარაღების შემცირების ხელშეკრულების შეჩერების შესახებ.

ბელარუსის საგარეო საქმეთა სამინისტროში ბირთვული იარათის განთავსებას უწოდეს„„იძულებითი საპასუხო ქმედებები საკუთარი უსაფრთხოებისა და თავდაცვის შესაძლებლობების გასაძლიერებლად“.




არქივი

მოგვძებნე Facebook-ზე