უკრაინის ძალებმა 21 სექტემბრის შემდეგ ქვეყნის ჩრდილო-აღმოსავლეთსა და ხერსონში 122 დასახლება გაათავისუფლეს - გენშტაბი

საქართველო, თბილისი - 11:48 | 07.10.2022
ნანახია: 161

უკრაინის შეიარაღებული ძალების გენშტაბის ინფორმაციით, 21 სექტემბრის შემდეგ უკრაინის არმიამ ქვეყნის ჩრდილო-აღმოსავლეთსა და ხერსონის ოლქში 122 დასახლება გაათავისუფლა.

უკრაინის გენერალური შტაბის მთავარი ოპერატიული სამმართველოს უფროსის მოადგილემ, ოლექსეი გრომოვმა ბრიფინგზე განაცხადა, რომ 21 სექტემბრის შემდეგ უკრაინის შეიარაღებულმა ძალებმა კონტრეშეტევის დროს ხარკოვისა და დონეცკის ოლქებში 93 დასახლებული პუნქტი გაათავისუფლეს, 1 ოქტომბრიდან კი - 29 დასახლება ხერსონის რეგიონში.

გრომოვის თქმით, ხერსონის რეგიონის ჩრდილო-დასავლეთით უკრაინის შეტევა 3-4 ოქტომბერს შეჩერდა.

 „ხერსონის მიმართულებაზე მტერი რეზერვების ხარჯზე ცდილობს კონტრშეტევას, რათა შეაკავოს ჩვენი ჯარის შეტევა და დაიბრუნის დაკარგული პოზიციები“, - განაცხადა გრომოვმა.




არქივი

მოგვძებნე Facebook-ზე