ლუკაშენკოს ვიზიტზე საქართველოს რეაქცია არ გვაღელვებს - ინალ არძინბა

საქართველო, თბილისი - 18:36 | 29.09.2022
ნანახია: 298

სოხუმს არ აღელვებს თბილისის რეაქცია აფხაზეთში ბელარუსის პრეზიდენტ ალექსანდრ ლუკაშენკოს ვიზიტზე. ამის შესახებ ოკუპირებული აფხაზეთის ე.წ. საგარეო საქმეათა მინისტრმა ინალ არძინბამ განაცხადა.

„აფხაზეთის რესპუბლიკა დამოუკიდებელი სახელმწიფოა -  საერთაშორისო სამართლის სუბიექტი და გეოპოლიტიკური რეალობა. ბელარუსს ჩვენი საგარეო პოლიტიკის მნიშვნელოვან მიმართულებად განვიხილავთ. ისინი ჩვენი მეგობრები არიან. ამ ვიზიტზე მესამე ქვეყნების, მაგალითად საქართველოს რეაქცია, ჩვენ არ გვაღელვებს“, - თქვა არძინბამ.

28 სექტემბერს ბელარუსის ევროკავშირის მიერ არაღიარებული პრეზიდენტი ალექსანდრ ლუკაშენკო ოკუპირებულ აფხაზეთში ჩავიდა, სადაც ოკუპირებული აფხაზეთის დე ფაქტო პრეზიდენტს, ასლან ბჟანიას შეხვდა.

საქართველოს საგარეო საქმეთა სამინისტრომ ლუკაშენკოს ოკუპირებულ აფხაზეთში ჩასვლის გამო,  საგარეო უწყებაში პროტესტის ნიშნად საქართველოში ბელარუსის ელჩი ანატოლი ლისი დაიბარა.




არქივი

მოგვძებნე Facebook-ზე