"ოსკარი" საქართველოში - რა ხდებოდა ღამის 3 საათზე კინოთეატრ "ამირანში"?

საქართველო, თბილისი - 20:21 | 29.02.2016
ნანახია: 1355

კინოთეატრი "ამირანი", ღამის 3 საათი, წითელი ხალიჩა, განწყობა ამაღლებული, მუსიკა, ტორტი, შამპანიური და ბევრი ღიმილიანი სახე _ მზადება ოსკარისთვის. ოსკარის რიგით 88-ე დაჯილდოების ცერემონიალი ტელეკომპანია GDS-ის პირდაპირ ეთერში გადაიცემოდა. კინოთეატრში შეკრებილი მაყურებელი კი, წლის ამ მნიშვნელოვან მოვლენას დიდ ეკრანზე ადევნებდა თვალს.

ახდა ასრულდა ოცნებაც და ოსკარების 88-ე ცერემონიალზე, წლის მსახიობი მამაკაცის ჯილდო გადაეცა ლეონარდო დი კაპრიოს ფილმისთვის "რევენანტი".

სულ ამ ფილმმა 12 ნომინაციიდან 3 ჯილდო მიიღო. ფილმი "შეშლილი მაქსი" კი 10 ნომინაციიდან 6 ჯილდოს მფლობელი გახდა.

წლის საუკეთესო ფილმად "სფოთლაითი" დასახელდა. წლის რეჟისორის კატეგორიაში "რევენანტის" რეჟისორმა ალეხანდრო ინიარიტუმ გაიმარჯვა. წლის მსახიობი ქალისთვის კი პრიზი გადაეცა ბრი ლარსონს ფილმისთვის "ოთახი".

წლის ანიმაციური ფილმის კატეგორიაში მთავარი პრიზი მოიპოვა "თავდაყირამ". წლის უცხოენოვანი ფილმების კატეგორიაში კი პრიზი უნგრულ ფილმს "საულის ვაჟს" ერგო.

 

 




არქივი

მოგვძებნე Facebook-ზე