რუბეჟნოემ მარიუპოლის ბედი გაიზიარა - სერჰი გაიდაი განადგურებული ქალაქის ფოტოებს აქვეყნებს

საქართველო, თბილისი - 13:53 | 20.05.2022
ნანახია: 185

ლუჰანსკის საოლქო სამხედრო ადმინისტრაციის ხელმძღვანელმა სერჰი გაიდაიმ Telegram-არხზე რუსი ოკუპანტების მიერ განადგურებული ქალაქ რუბეჟნოეს ფოტოები გამოაქვეყნა.

„რუბეჟნოემ მარიუპოლის ბედი გაიზიარა, სამრეწველო ქალაქი მთლიანად დანგრეულია. გადარჩენილი შენობა აღარ არსებობს.  ბევრი სახლის აღდგენა შეუძლებელია. ეზოებში საფლავებია“, - ამბობს გაიდაი.

მისი თქმით, ომამდე ქალაქში 60 ათასზე მეტი ადამიანი ცხოვრობდა - მუშაობდნენ ქარხნებში, საჯარო სექტორში, მცირე ბიზნესში.

„დღეს რუბეჟნოეს მოსახლეობა სამ კატეგორიად დაიყო: ისინი, ვინც უკრაინის უსფრთხო ქალაქებში გადავიდნენ ან საზღვარგარეთ წავიდნენ; ისინი, ვინც რუსეთში ან ოკუპირებულ ტერიტორიებზე გადაასახლეს; ისინი, ვინც ამ დრომდე კადიროველების ტყვეობაში არიან და სარდაფებში ცხოვრობენ“, - აღნიშნავს გაიდაი.

ამასთან, მან თქვა, რომ გაძარცვული აგურის კოლოფები - ეს ახლა რუბეჟნოეა. „ჩვენ მას თითქმის ნულიდან ავაშენებთ“, - დასძინა გაიდაიმ.

фото телеграмм-канал Сергея Гайдая

фото телеграмм-канал Сергея Гайдая

фото телеграмм-канал Сергея Гайдая




არქივი

მოგვძებნე Facebook-ზე