ჩაქვის გვირაბში ავარიას ორი ადამიანი ემსხვერპლა

ჩაქვის გვირაბში ავტოსაგზაო შემთხვევა მოხდა. აჭარის საზოგადოებრივი მაუწყებლის ინფორმაციით, ერთმანეთს სატვირთო და მსუბუქი ავტომობილები შეეჯახნენ, რის შედეგადაც ორივე მათგანს ცეცხლი გაუჩნდა.

აჭარის ტელევიზიის ცნობით, სასწრაფო დახმარების ცენტრის ექიმებს, შემთხვევის ადგილზე ორი დაღუპული დახვდათ. დაშავებული იყო კიდევ ერთი პირი, რომელმაც სამედიცინო მომსახურებასა და კლინიკაში გადაყვანაზე უარი განაცხადა.

შემთხვევა გვიან ღამით მოხდა.

შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლის მე-8 ნაწილით დაიწყო, რაც  ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.