პუტინს უკრაინასთან და დასავლეთთან მოლაპარაკებები სურს - ერდოღანის მრჩეველი

საქართველო, თბილისი - 21:46 | 13.05.2022
ნანახია: 203

თურქეთის პრეზიდენტის მრჩეველმა იბრაჰიმ კალინმა განაცხადა, რომ მისი ინფორმაციით, რუსეთს უკრაინასთან და და დასავლეთთან მოლაპარაკება სურს. ამის შესახებ მან გამოცემა Türkiye-ს განუცხადა.

„ჩვენ ვიცით ამის შესახებ: რუსეთს სურს დაჯდეს მოლაპარაკებათა მაგიდასთან არა მხოლოდ უკრაინასთან, დასავლეთთანაც, რათა გააფორმოს ახალი დიდი შეთანხმება. მოლაპარაკებისთის ყველა მხარემ, მათ შორის ევროპამ და შეერთებულმა შტატებმა კონსტრუქციული პოზიცია უნდა დაიკავონ“, - განაცხადა მან.

კალინის თქმით, უკრაინისა და რუსეთის პრეზიდენტების შეხვედრისთვის აუცილებელია გარკვეული პროგრესის მიღწევა მოლაპარაკებებზე.

„სამწუხაროდ, ბოლო კვირების მოვლენები ნეგატიურად აისახა ამ პროცესზე {მოლაპარაკების}. მაგრამ ჩვენ გავაგრძელებთ წინსვლას მოლაპარაკებისა და დიალოგის გზაზე და არა ომის. გამოვიჩენთ მოთმინებასა და სიმტკიცეს“, - დასძინა კალინმა.

 




არქივი

მოგვძებნე Facebook-ზე