რუსეთში, ირკუტსკის თეატრის შენობა იწვის

რუსეთში , ირკუტსკში ქალაქის უძველესი ნაგებობა, მოზარდ მაყურებელთა თეატრის შენობა იწვის. რუსული მედიის ცნობით, თეატრს ცეცხლი მეზობელ შენობაში გაჩენილი ხანძრიდან გადაედო.

როგორც იუწყებიან, ცეცხლი მთლიანად მოედო შენობას და ხანძრის ქრობის სამუშაობის მიუხედავად, მისი გადარჩენა შეუძლებელი იქნება.

ადგილობრივი ხელისუფლების ცნობით, თეატრის შენობა ავარიული მდგომარეობის გამო რამდენიმე წელია დაკეტილია. ის კულტურული მემკვიდრეობის ობიექტია.