როგორ ებრძვის იმუნური სისტემა ინფექციას და როდის ილევა ჩვენი ანტისხეულები - ყველაფერი იმუნიტეტის შესახებ
საქართველო, თბილისი - 23:21 | 23.12.2021 ნანახია: 855
ადამიანების დიდი ნაწილი ფიქრობს, რომ, კორონავირუსის წინააღმდეგ ვაქცინაციის ან ინფექციის გადატანის შემდეგ, ისინი შეძლებენ, პანდემიამდელ ცხოვრებას დაუბრუნდნენ, თუმცა ექიმები ხაზგასმით ამბობენ, რომ სიფრთხილის დაცვა ანტისხეულების არსებობის დროსაც აუცილებელია.
რა არის იმუნური სისტემა, რას ნიშნავს ანტისხეულები და როგორ გამოიმუშავებს ორგანიზმი დაცვას ინფექციისა და ვირუსის წინააღმდეგ? იმუნური სისტემა არის უჯრედების, ქსოვილებისა და ორგანოების კომპლექსური ქსელი, რომელიც იცავს ორგანიზმს ინფექციისგან.
ანტისხეულები კი პროტეინებია, რომელსაც გამოიმუშავებს იმუნური სისტემა. მათი საშუალებით ორგანიზმი ებრძვის ინფექციას და, ასევე, იცავს ადამიანს სამომავლო ავადმყოფობისგან.
როგორც ამერიკის დაავადებათა კონტროლის ცენტრი განმარტავს, როდესაც ადამიანი ინფიცირებულია ვირუსით ან ბაქტერიით, იმუნური სისტემა გამოიმუშავებს ანტისხეულებს, რომ დაავადებას ებრძოლოს. ასევე, თქვენი იმუნიტეტი სრულიად უსაფრთხოდ სწავლობს, როგორ გამოიმუშავოს ანტისხეულები ვაქცინის საშუალებით. როდესაც თქვენ გაქვთ გარკვეული რაოდენობის ანტისხეულები კონკრეტული დაავადების მიმართ, ისინი აღნიშნული დაავადებისგან გიცავენ. მაშინაც კი, თუ თქვენ მაინც დაინფიცირდებით, ანტისხეულები დაგიცავენ მძიმე დაავადებისგან, რადგან თქვენს ორგანიზმს უკვე ექნება დაავადებასთან ბრძოლის გამოცდილება.
დაცვის ხანგრძლივობა, სხვადასხვა დაავადების დროს - განსხვავებულია. ის, ასევე,დამოკიდებულია სხვა ფაქტორზეც. ანტისხეულები იმუნური პასუხის მხოლოდ ერთი ნაწილია.
ანტისხეულები და კოვიდი
„კოვიდ-19“-ის გამომწვევი ვირუსის - SARS-CoV-2-ის საწინააღმდეგო ანტისხეულები არსებობს იმ ადამიანების სისხლში, რომლებმაც გადაიტანეს ინფექცია ან აიცრნენ კორონავირუსის საწინააღმდეგო ვაქცინით. ვაქცინაცია ბევრად უსაფრთხოა, ვიდრე კოვიდით დაავადება. აცრა, მსოფლიოს მრავალ ქვეყანაში, უკვე 5 წლის ასაკიდან არის შესაძლებელი. საქართველოში ვაქცინაცია, ჯერჯერობით, 12 წლიდანაა ნებადართული. თუ ადამიანმა უკვე გადაიტანა კორონავირუსი, ვაქცინაცია მათ იმუნურ პასუხს კიდევ უფრო გააძლიერებს.
ძალიან მნიშვნელოვანია იმისი ცოდნაც, რომ ბევრი ადამიანი, - ვისაც აქვს ანტისხეულები SARS-CoV-2-ის წინააღმდეგ, ვაქცინირებულია ან გადატანილი აქვს ინფექცია, - შესაძლოა, მაინც დაავადდეს ვირუსით. მეცნიერებს კი ამ ეტაპზე შეუძლიათ მხოლოდ იმის თქმა, რომ პირველი 6 თვის განმავლობაში რეინფიცირების რისკი ძალიან დაბალია. არცერთი ვაქცინა ადამიანს დაავადებისგან 100 პროცენტით არ იცავს, თუმცა მძიმე დაავადებისგან, ჰოსპიტალიზაციისგან და გარდაცვალებისგან ვაქცინირებული ადამიანი, აუცრელთან შედარებით, ბევრად დაცულია.
ყველა სხვა ინფექციის მსგავსად, კორონავირუსისგან დამცავი ანტისხეულები, დროთა განმავლობაში, მცირდება. გარკვეული დროის გასვლის შემდეგ შესაძლოა, ანტისხეულების მაჩვენებელი იმდენად დაბლა ჩამოვიდეს, რომ თქვენი დაცვა ვირუსისგან ვეღარ შეძლოს. ჯერჯერობით მეცნიერებმა არ იციან, რა რაოდენობით განისაზღვრება ანტისხეულები ზღვრის ქვემოთ. ამასთან, მაშინაც კი, თუ ანტისხეულები გაქრება, შესაძლოა, იმუნურ სისტემას ჰქონდეს უჯრედები, რომლებსაც ახსოვთ ვირუსი და, ინფიცირებისას, ორგანიზმის დაცვაში ჩაერთვებიან. ეს არის საკითხები, რომლებსაც მეცნიერები მთელი მსოფლიოს მასშტაბით იკვლევენ.
თუ თქვენ კორონავირუსის ანტისხეულები გაქვთ, რას ნიშნავს ეს?
კორონავირუსის ანტისხეულებზე დადებითი ტესტი ნიშნავს, რომ ადამიანმა „კოვიდ-19“ გადაიტანა, ან აიცრა კორონავირუსის წინააღმდეგ. ანტისხეულების ტესტი არ გამოიყენება ვირუსის სიმპტომების დროს იმის დასადგენად, აქვს თუ არა ადამიანს ინფექცია. ადამიანების უმეტესობას, ჯანმრთელი იმუნური სისტემით, ანტისხეულების გამოსამუშავებლად, 1-დან 3 კვირამდე სჭირდება.
მათ, ვისაც აქვს ანტისხეულებზე ტესტის დადებითი პასუხი, შეუძლიათ გააგრძელონ ცხოვრება ჩვეულ რეჟიმში, თუმცა აუცილებელია, რომ დაიცვან უსაფრთხოების ყველა ნორმა, მათ შორის - ჩაიტარონ ვაქცინაცია.
რაც უფრო მეტი ინფორმაცია აქვთ მეცნიერებს კორონავირუსის ანტისხეულების შესახებ, კოვიდის მკურნალობისა და კონტროლის უფრო მეტი საშუალება ჩნდება.
სეროლოგიური დაკვირვება, რომელიც პოპულაციაში ანტისხეულებს იკვლევს, იძლევა ინფორმაციას, რამდენი ხნის განმავლობაში იცავენ ანტისხეულები ორგანიზმს კორონავირუსის წინააღდეგ და განსხვავდება თუ არა დაცვა - აცრილებსა და კოვიდგადატანილ ადამიანებს შორის.
მეცნიერები, ასევე, სწავლობენ გარკვეულ ჯგუფებს, რომლებიც შესაძლოა, დაბალი რაოდენობის ანტისხეულებს გამოიმუშავებდნენ - მაგალითად, იმუნოკომპრომისული პირების შედეგებს ადარებენ ჯანმრთელი იმუნიტეტის მქონე ადამიანებს. ეს მნიშვნელოვანი ინფორმაციაა, რომლის საშუალებითაც ისინი გადაწყვეტენ, საჭიროა თუ არა დამატებითი ვაქცინაცია ან „ბუსტერდოზები“.
მეცნიერები სწორედ ამ კვლევების საშუალებით ადგენენ, გამოავლენენ თუ არა ვაქცინები ძლიერ დაცვას კორონავირუსის ახალი ვარიანტების წინააღმდეგ.
პოლიტიკა
- ზელენსკი დასავლეთს მოუწოდებს, რუსეთის ყველა მოქალაქეს ჩაუკეტონ საზღვრები
- აშშ ვერ იტყვის ივანიშვილზე არის თუ არა ოლიგარქი, ეს ქართველმა ხალხმა უნდა განსაზღვროს - კელი დეგნანი
- საქართველომ უნდა აირჩიოს, მხარს უჭერს კაციჭამიებს თუ თავისუფლებას - პოდოლიაკი
- საქართველოს ამერიკაზე უკეთესი მეგობარი არ ჰყავს და ეს არ შეიცვლება. ჩვენ გვჯერა საქართველოს ევროპული მომავლის - კელი დეგნანი
საზოგადოება
- ბოლო ერთ კვირაში, საქართველოში კორონავირუსის 12 729 ახალი შემთხვევა გამოვლინდა
- წულუკიანის საკადრო წმენდის შედეგად გათავისუფლებულმა თანამშრომელმა სასამართლო დავა მოიგო - SJC
- თბილისში 15 ქუჩას 2008 წლის რუსეთ-საქართველოს ომში დაღუპულ მებრძოლთა სახელები მიენიჭება
- პრეზიდენტმა აგვისტოს ომში დაღუპული შინდისის გმირების ხსოვნას პატივი მიაგო
კონფლიქტები
- პაპუაშვილი, ვოლსკი და ბოჭორიშვილი საოკუპაციო ხაზთან იმყოფებოდნენ
- ოკუპირებულ აფხაზეთში "ჯაშუშობის" ბრალდებით საქართველოს მოქალაქე დააკავეს
- ის, რაც მოვისმინეთ სახელმწიფო დეპარტამენტის მხრიდან, "ქართული ოცნების" განცხადებებზე, სერიოზული გაფრთხილებაა, არ მახსენდება ასეთი მწვავე განცხადება - გიგი წერეთელი
- ამერიკის ტერიტორიაზე ჩხუბი მისაბაძი საქციელი არ არის, საქართველოს ტერიტორიაზე სჯობდა - იაგო ხვიჩია აშშ-ის საელჩოში მომხდარ ინციდენტზე
მედიცინა
- ვაქცინაციისთვის 50 000 შპრიცი უკვე საქართველოშია - ჯანდაცვის სამინისტრო
- Pfizer-მა და BioNTech-მა ევროპის სამედიცინო სააგენტოს მიმართეს ვაქცინის დამტკიცების თხოვნით
- მესამე ტალღას არ გამოვრიცხავთ - ეკატერინე ტიკარაძე
- Moderna-ს კორონავირუსის საწინააღმდეგო ვაქცინამ 95%-იანი ეფექტურობა აჩვენა - წინასწარი მონაცემები
სპორტი
- რონალდუ "მანჩესტერ იუნაიტედს" 7 აგვისტომდე დატოვებს
- საქართველოს მორაგბეთა ნაკრებმა იტალია 28:19 დაამარცხა
- საქართველოს კალათბურთელთა ნაკრებმა მსოფლიო მოქმედი ჩემპიონი, ესპანეთი 82:76 დაამარცხა
- უკრაინის კალათბურთის ნაკრების მწვრთნელმა საქართველოს ნაკრების დამარცხების შემდეგ, ილიას ზუროსს ხელი არ ჩამოართვა და უხამსი ჟესტი აჩვენა